اشم اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسىنا قاتىستى تەرگەۋ اياقتالدى، - دەپ حابارلايدى Dalanews.kz.
مەملەكەت باسشىسىنىڭ زاڭدىلىق پەن قۇقىقتىق ءتارتىپتى قامتاماسىز ەتۋ جونىندەگى تاپسىرماسىن ىسكە اسىرۋ شەڭبەرىندە سىبايلاس جەمقورلىققا قارسى قىزمەت جەمقورلىقتىڭ، ونىڭ ىشىندە جوعارى لاۋازىمدى ادامدار اراسىندا جولىن كەسۋ بويىنشا جۇيەلى جۇمىس جۇرگىزۋدە.
ماسەلەن، اگەنتتىك اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسىنا قاتىستى سوتقا دەيىنگى تەرگەۋدى اياقتادى.
ول كاسىپكەرلىك سۋبەكتىسىنەن 4،4 ملن تەڭگە كولەمىندە پارا الدى دەپ ايىپتالۋدا، ياعني شەگىرتكەگە قارسى پەستيسيدتەردى جەتكىزۋ جونىندەگى قىزمەتتەردى مەملەكەتتىك ساتىپ الۋ شارتى قۇنىنىڭ 5%.
سوتتىڭ سانكسياسىمەن لاۋازىمدى تۇلعا مەن كاسىپكەر ءۇي قاماعىنا الىندى.
اعىمداعى جىلدىڭ 31 قازانىندا باس پروكۋراتۋرا ايىپتالۋشىلاردى سوتقا بەردى.
قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
