پاريجدە قازاقستان پرەزيدەنتٸ قاسىم-جومارت توقاەۆتىڭ فرانتسيياعا مەملەكەتتٸك ساپارى اياسىندا گيمە ازييا ٶنەرٸنٸڭ ۇلتتىق مۋزەيٸندە «قازاقستان: ۇلى دالا جاۋھارلارى» كٶرمەسٸنٸڭ سالتاناتتى اشىلۋ رەسٸمٸ ٶتتٸ, دەپ حابارلايدى Dalanews.kz.
اشىلۋ سالتاناتىندا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا ەلەم تاريحىنداعى ۇلى دالانىڭ ٷش مىڭ جىلدىق ەرەكشە مەدەني فەنومەنٸن پاش ەتەتٸن كٶرمەدەگٸ بٸرەگەي ەكسپوناتتاردىڭ ماڭىزدىلىعىن اتاپ ٶتتٸ.
ول فرانتسۋز ەرٸپتەستەرٸنە كٶرمەنٸ ۇيىمداستىرۋعا قولداۋ كٶرسەتكەنٸ ٷشٸن العىس بٸلدٸرٸپ, قازاقستان مەن فرانتسييا اراسىنداعى مەدەني قارىم-قاتىناستىڭ ماڭىزدىلىعىنا ەرەكشە توقتالدى.
«كەيٸنگٸ جىلدارى قازاقستان مەن فرانتسييا اراسىنداعى بايلانىس ارتىپ, جاڭا سەرپٸن الدى. قازاقستان پرەزيدەنتٸ قاسىم-جومارت توقاەۆ پەن فرانتسييا پرەزيدەنتٸ ەممانۋەل ماكروننىڭ ٶزارا ساپارلارى ەكٸجاقتى ىنتىماقتاستىقتى نىعايتا تٷستٸ. ەرٸپتەسٸم, مينيستر حانىم راشيدا داتي مەن گيمە مۋزەيٸنٸڭ پرەزيدەنتٸ, دوكتور ياننيك لينتتسكە وسى كٶرمەنٸ ۇيىمداستىرۋدا كٶرسەتكەن قولداۋى ٷشٸن, سونداي-اق, گيمە مۋزەيٸ ۇجىمىنا جوعارى دەڭگەيدەگٸ كەسٸبي بٸلٸكتٸلٸگٸ مەن ٷيلەسٸمدٸ جۇمىسى ٷشٸن ەرەكشە العىسىمدى بٸلدٸرەمٸن», – دەدٸ ايدا بالاەۆا.
ەكسپوزيتسييادا قازاقستاننىڭ ۇلتتىق مۋزەيٸ مەن «ەزٸرەت سۇلتان» مۋزەي-قورىعىنىڭ كوللەكتسييالارىنان الىنعان 35 سيرەك ارتەفاكت ۇسىنىلعان. ولار قازاقستان تاريحىنىڭ نەگٸزگٸ كەزەڭدەرٸن پاش ەتەدٸ.
«مۋزەيدٸڭ بيٸك ميسسيياسى – ٶتكەننٸڭ مەدەني قۇندىلىقتارىن كٶرسەتە وتىرىپ, زاماناۋي تاريحتى جاساۋ. كٶرمەگە قويىلعان ەڭ قۇندى جەدٸگەرلەر العاش رەت شەتەلدٸك كٶرەرمەنگە زاماناۋي, جاڭاشىل فورماتتا ۇسىنىلىپ وتىر. بٷگٸن بٸز جاڭا تاريحتىڭ – ەلدەرٸمٸز اراسىنداعى قارىم-قاتىناستاردىڭ دامۋ تاريحىنىڭ كۋەسٸ بولىپ وتىرمىز», – دەدٸ مينيستر.
كٶرەرمەندەر كٶشپەلٸ مەدەنيەتتٸڭ جەنە مەملەكەتتٸلٸكتٸڭ دامۋىن بەينەلەيتٸن قۇندى مۇرالاردى تاماشالاي الادى, ولاردىڭ قاتارىندا عۇن-سارمات كەزەڭٸنەن باستاپ قازاق حاندىعىنا دەيٸنگٸ جەدٸگەرلەر بار. كٶرمەنٸڭ ەرەكشەلٸگٸ – كٶرەرمەنگە قازاقستان مەدەنيەتٸنٸڭ سانعاسىرلىق تاريحى مەن باي قازىناسىن تەرەڭ تانۋعا مٷمكٸندٸك بەرەتٸن يممەرسيۆتٸ مۋلتيمەدييالىق كونتەنت.
«كٶرمەدە قازاقستاننىڭ بەس «دجوكونداسى» قويلعان. بۇل كٶرمەنٸڭ يدەياسى بٸر جىل بۇرىن فرانتسييا پرەزيدەنتٸنٸڭ قازاقستانعا ساپارى كەزٸندە تۋىندادى. ونىڭ ماقساتى – كٶرەرمەنگە قازاقستان مەدەنيەتٸن, ونىڭ ەلەمدٸك تاريحتا الار ورنىن تانىستىرۋ. كٶرمە ەجەلگٸ تاريحتان باستاپ 18-شٸ عاسىرداعى قازاقستانعا دەيٸنگٸ ارالىقتى قامتىعان. بۇل – قازاقستاننىڭ پەيزاجدارىن, دىبىستارىن, ەسٸرەسە, وسى ٶركەنيەتتٸڭ بەس كەزەڭٸن بەينەلەيتٸن بەس شەدەۆردٸ نەمەسە شەدەۆرلەر انسامبلٸن كٶرسەتەتٸن يممەرسيۆتٸ ساياحات», – دەدٸ گيمە – ازييا ٶنەرٸنٸڭ ۇلتتىق مۋزەيٸ ديرەكتورى ياننيك لينتس.
كٶرمە 2025 جىلدىڭ 24 ناۋرىزىنا دەيٸن جالعاسادى. 5 قاراشادا, كٶرمەنٸ قازاقستان مەن فرانتسييا پرەزيدەنتتەرٸ قاسىم-جومارت توقاەۆ پەن ەممانۋەل ماكرون تاماشالايدى.
ايتا كەتۋ كەرەك, كٶرمە جوباسىنا قازاقستاننىڭ فرانتسيياداعى ەلشٸلٸگٸ, بولات ٶتەمۇراتوۆ قورى مەن Alstom Kazakhstan كومپانيياسى, Visor Group جشس جەنە كەڭەس راقىشەۆ قولداۋ كٶرسەتتٸ.
