توتەنشە جاعدايلار مينيسترلىگى وكىلدەرى الماتى مەن الماتى وبلىسىندا 6 قاراشادا جەر سىلكىنىسى بولادى دەگەن حابارلاماعا جاۋاپ بەردى، - دەپ حابارلايدى Dalanews.kz.
مۇنداي حابارلاما اتا-انالاردىڭ چاتىندا تاراپ كەتكەن.
تجم بۇل اقپاراتتى جوققا شىعاردى. ۆەدومستۆو مالىمەتىنشە، الداعى ۋاقىتتارى الماتى مەن الماتى وبلىسىندا 6 بالل جەر سىلكىنىسى بولادى دەگەن بولجام جوق.
تجم تەك رەسمي اقپاراتتارعا سەنۋدى سۇرادى.
الماتى وبلىسىنىڭ ءبىلىم باسقارماسىنداعىلار دا بۇل اقپاراتتى جوققا شىعاردى.
ساراپشىلاردىڭ قورىتىندىسىنا سايكەس، بالالار 6 قاراشادان باستاپ وفلاين وقيدى.
ەسكە سالايىق، بۇگىن الماتىلىقتار جەر سىلكىنىسىن سەزدى.
ق ر تجم "سبزۇعو" ج ش س سەيسميكالىق ستانسيالار جەلىسىمەن 2024 جىلعى 5 قاراشادا استانا ۋاقىتى بويىنشا 10.00 مينۋت 30 سەكۋندتا جەر سىلكىنىسى تىركەلدى.
"جەر سىلكىنىسىنىڭ كوورديناتتارى: 43.261 س.ە. 77.310 ش.ب. جەر سىلكىنىسى وشاعى قازاقستان اۋماعىندا الماتى قالاسىنان شىعىسقا قاراي 33 كم. جەردە ورنالاسقان"، - دەپ جازىلعان حابارلامادا.
ەسەپتىك قارقىندىلىعى:
- الماتى قالاسى 3 ب.
- تالعار 4 ب.
- ەسىك 4 ب.
- تۇرگەن 3.0 ب.
- وتەگەن-باتىر 3 ب.
- بورالداي 2 ب. س.
- مالوۆودنوە 2ب.
- ج. قايىپوۆ 2 ب.
- الاتاۋ (جەتىگەن) 2 ب.
- قاراساي (قاسكەلەڭ) 2 ب.
جەر سىلكىنىسى كەزىندەگى 10 قاراپايىم قادام:
- جەر ءدۇمپۋى كەزىندە ۇرەيلەنبەڭىز؛
- جەر سىلكىنۋ كەزىندە ليفت جانە باسپالداقپەن قولدانباڭىز؛
- جيhازدان، تەرەزەدەن، ارى تۇرىڭىز؛
- جاسىرىناتىن جەردى تابىڭىز - جوعارعى قاباتتاردا نەگىزگى ىرگەلى قابىرعالاردىڭ بۇرىشىندا ورىن الىپ جاسىرىڭىز؛
- عيماراتتان شىعىڭىز (تومەنگى قاباتتاردا)؛ - كوپ قاباتتى ۇيلەردە جەر سىلكىس اياقتالعان سوڭ عيماراتتان شىعىڭىز؛
- كەتەر الدىندا سۋدى، گازدى، ەلەكتر قۋاتىن مۇمكىندىگىڭىزشە ءوشىرىڭىز؛
- دابىل جول ساندىعىن الىڭىز (الدىن الا دايىنداۋ قاجەت)؛
- ەلەكتر جەلىلەردەن ، عيمارات، اعاشتاردان اۋلاق بولىڭىز؛
- جەر سىلكىنۋىنە دايىن بولىڭىز؛
- قارت ادامدارعا، بالالارعا، مۇمكىندىگى شەكتەۋلى ادامدارعا كومەك كورسەتىڭىز.
