Tótenshe jaǵdailar ministrligi ókilderi Almaty men Almaty oblysynda 6 qarashada jer silkinisi bolady degen habarlamaǵa jaýap berdi, - dep habarlaidy Dalanews.kz.
Mundai habarlama ata-analardyń chatynda tarap ketken.
TJM bul aqparatty joqqa shyǵardy. Vedomstvo málimetinshe, aldaǵy ýaqyttary Almaty men Almaty oblysynda 6 ball jer silkinisi bolady degen boljam joq.
TJM tek resmi aqparattarǵa senýdi surady.
Almaty oblysynyń Bilim basqarmasyndaǵylar da bul aqparatty joqqa shyǵardy.
Sarapshylardyń qorytyndysyna sáikes, balalar 6 qarashadan bastap oflain oqidy.
Eske salaiyq, búgin almatylyqtar jer silkinisin sezdi.
QR TJM "SBZUǴO" JShS seismikalyq stantsiialar jelisimen 2024 jylǵy 5 qarashada Astana ýaqyty boiynsha 10.00 minýt 30 sekýndta jer silkinisi tirkeldi.
"Jer silkinisiniń koordinattary: 43.261 s.e. 77.310 sh.b. Jer silkinisi oshaǵy Qazaqstan aýmaǵynda Almaty qalasynan shyǵysqa qarai 33 km. jerde ornalasqan", - dep jazylǵan habarlamada.
Eseptik qarqyndylyǵy:
- Almaty qalasy 3 b.
- Talǵar 4 b.
- Esik 4 b.
- Túrgen 3.0 b.
- Ótegen-Batyr 3 b.
- Boraldai 2 b. s.
- Malovodnoe 2b.
- J. Qaiypov 2 b.
- Alataý (Jetigen) 2 b.
- Qarasai (Qaskeleń) 2 b.
Jer silkinisi kezindegi 10 qarapaiym qadam:
- Jer dúmpýi kezinde úreilenbeńiz;
- Jer silkiný kezinde lift jáne baspaldaqpen qoldanbańyz;
- Jihazdan, terezeden, ary turyńyz;
- Jasyrynatyn jerdi tabyńyz - joǵarǵy qabattarda negizgi irgeli qabyrǵalardyń buryshynda oryn alyp jasyryńyz;
- Ǵimarattan shyǵyńyz (tómengi qabattarda); - kóp qabatty úilerde jer silkis aiaqtalǵan soń ǵimarattan shyǵyńyz;
- Keter aldynda sýdy, gazdy, elektr qýatyn múmkindigińizshe óshirińiz;
- Dabyl jol sandyǵyn alyńyz (aldyn ala daiyndaý qajet);
- Elektr jelilerden , ǵimarat, aǵashtardan aýlaq bolyńyz;
- Jer silkinýine daiyn bolyńyz;
- Qart adamdarǵa, balalarǵa, múmkindigi shekteýli adamdarǵa kómek kórsetińiz.
