ەيەلدەر كٷرەسٸ بويىنشا ازييا ويىندارىنىڭ قولا جٷلدەگەرٸ ايشا ۋاليشان كٷيەۋٸمەن بٸرگە 23 جاستاعى جٸگٸتتٸ قۇلدىقتا ۇستادى دەگەن كٷدٸككە ٸلٸندٸ, - دەپ حابارلايدى Dalanews.kz Orda.kz-كە سٸلتەپ.
بۇل تۋرالى 23 جاستاعى جٸگٸت مۇقان نەگماتوۆ جۋرناليستەرگە ايتىپ بەرگەن. وقيعا 2023 جىلى باستالعان. سپورتشىنىڭ كٷيەۋٸ مۇقانمەن تانىسىپ, جالاقىسى جاقسى جۇمىس بارىن ايتقان.
"ول ماعان 500-600 مىڭ تەڭگە تٶلەيتٸن جۇمىس بارىن, ەگەر كەلٸسسەم جولعا بيلەتتٸ دە تٶلەپ بەرەتٸنٸن ايتتى. وسىلايشا قۇجاتتارىمدى جيناپ, تٷركيياعا ۇشۋعا دايىندالىپ جٷردٸم. 28 قىركٷيەكتە الماتىدان استاناعا كەلدٸم. سوسىن بٸر اۋىلعا باردىق, ول جەرگە بارا جاتقانىمدى بٸلمەدٸم. ماعان ەلفارابي دەگەن جٸگٸتكە كٶمەكتەسەتٸنٸمدٸ, شٶپ كەسەتٸنٸمدٸ ايتتى. ارادا بٸر اپتا ٶتسە دە ەلٸ جۇمىستى باستامادىق. "قاشان كٸرٸسەمٸز?" دەپ سۇرادىم. ول ٸشٸپ الىپ, دوسىمەن كەلٸپ, "يۋجان, ەجيك, كەتپەيسٸڭ بۇل جەردەن! كەتسەڭ اقشاڭ مەن دەنساۋلىعىڭنان ايىرىلاسىڭ" دەدٸ", - دەپ ەسكە الدى مۇقان.
وسىلايشا جٸگٸت قۇلدىققا تٷسكەنٸن تٷسٸنٸپ, قاشپاق بولادى. بٸراق مۇقان قاشىپ كەتە الماعان, سەبەبٸ ونى ارتىنان كٶلٸكپەن قۋىپ كەلگەن. مۇنىمەن قويماي ونى ۇرىپ, "3 ميلليون تەڭگە قارىزبىن" دەپ قولحات جازدىرىپ العان. ارتىنشا ونى "ٶز ەركٸممەن جۇمىس ٸستەپ جٷرمٸن" دەپ كامەراعا ايتقىزعان.
مۇقان ٷيدٸڭ شارۋاسىنان بٶلەك "باسشىسىنان" جٷيەلٸ تٷردە سوققى جەپ جٷرگەن. مۇقاننىڭ سٶزٸنشە,ونى كٷرەكپەن دە, ايىرمەن دە ۇرعان.
مۇقان جوق بولعان ۋاقىتتا ونى تۋىستارى اۋىرىپ جٷر دەپ ويلاعان. سەبەبٸ ونى قۇلدىقتا ۇستاعان ادامدار مۇقاننىڭ ەمٸنە دەپ اقشا جيناپ جٷرگەن. بٸراق اقشانىڭ بەرٸ ونلاين-كازينولارعا جۇمسالعان. ودان بٶلەك, 23 جاستاعى جٸگٸتتٸڭ اتىنا كٶپتەگەن ميكرونەسيە الىنعان.
مۇقان كٷندەردٸڭ بٸر كٷنٸندە دياس دەگەن جٸگٸتتٸڭ تەلەفونىن الىپ, قاشىپ ٷلگەرگەن.
"مەن دياس دەگەن اڭعال جٸگٸتتٸڭ تەلەفونىن الىپ, اعام اسقارعا حابارلاستىم. اعام "قاشىپ كەت" دەپ دياسقا 10 مىڭ تەڭگە جٸبەرگەن. دياس اقشانى شىعارىپ, قوي قورا جاققا قاراي ەكەلٸپ بەردٸ.
مەن قاشىپ كەتكەنٸممەن اۋىلدان الىس كەتە المادىم. ەكٸ كٷن بويى جاڭبىر قۇيىپ تۇرعاندىقتان قامىستاردىڭ اراسىندا تىعىلىپ قالدىم. ٷشٸنشٸ كٷنٸ بەرٸ تىنىشتالعان سوڭ, قازپوشتانىڭ كٶلٸگٸمەن ورتالىققا قاراي جەتٸپ, اعاممەن بايلانىستىم", - دەيدٸ مۇقان.
قازٸر مۇقانعا قاۋٸپ تٶنٸپ تۇرعان جوق. الايدا ونى وتباسى قىلمىسكەرلەر جازاسىز قالا ما دەپ قورقىپ وتىر. سوندىقتان تەرتٸپ ساقشىلارىنان كٶمەك سۇراعان. قازٸرگٸ تاڭدا بۇل ٸس بويىنشا قىلمىستىق ٸس قوزعالعان.
