سونىڭ بٸرٸ امينا وكۋەۆا. شەشەن قىزى. ٶزٸ سنايپەر. «كيەۆ» پولكٸنٸڭ قۇرامىندا. وسىندا ٶز ەركٸمەن كەلگەن دجوحار دۋداەۆ باتالونىنىڭ بەلدٸ مٷشەسٸ. ال ۋكرايناعا قارسى سوعىسىپ جٷرگەن شەشەننٸڭ جاۋىنگەرلەرٸن امينا «قادىروۆشىلار» دەپ اتايدى ەكەن.
– امينا, ايتشى ۋكراينا ەسكەرٸنٸڭ ساپىندا رەسەيگە قارسى سوعىسىپ جٷرگەن قانشا شەشەن بار?
– ناقتى سانىن اتاي المايمىن. ەرٸكتٸلەر كٶپ. شامالاپ العاندا قازٸر دونباسستا جٷزدەن اسا شەشەن كرەملگە قارسى سوعىسىپ جٷر.
– ال رەسەي ەسكەرٸنٸڭ قاتارىندا ۋكرايناعا قارسى سوعىسىپ جاتقان شەشەندەردٸڭ سانى قانشا, بٸلەسٸڭ بە?
– اسا كٶپ ەمەس. قادىروۆ ٶزٸنە قاراستى جاۋىنگەرلەردٸ دونباسستان شىعارىپ ەكەتكەنٸنە بٸر جىل تولدى. الايدا «قادىروۆشىلار» تولىق كەتٸپ تىنعان جوق. ەلٸ دە بار.
– دونباسستاعى قاقتىعىس كەزٸندە «قادىروۆشىلارمەن» بەتپە-بەت كەلگەن سەتتەرٸڭٸز بولدى ما?
— جوق. بٸراق, قازٸرگٸ كٷنٸ ۋكراينا جەرٸندە جٷرگەن «قادىروۆشىلار» تۋرالى تٷرلٸ اقپاراتتار جيناۋ ٷستٸندەمٸز. ولاردى كەزدەستٸرسەك ايامايمىز. بۇلار شەشەن ەمەس, «قادىروۆشىلار». ولار بٸزگە جاۋ. مەنٸڭ بٸلۋٸمشە, بۇلار ادام قانى تٶگٸلەتٸن كەسكٸلەسكەن ۇرىستارعا قاتىسا بەرمەيدٸ. ورىستار باسىپ العان دونەتسك, لۋگانسكٸدە ۇرلىق-قارلىق, توناۋمەن اينالىسادى.
– ۋكراينانىڭ جاعىندا سوعىسىپ جٷرگەن شەشەندەر رەسەيلٸك باتالوننىڭ تۇتقىنىنا تٷسٸپ قالعان كەزدەرٸ بولدى ما?
– بٸزدٸڭ دۋداەۆ باتالونىندا مۇنداي جاعداي بولعان جوق. بولماي-اق قويسىن.
– قالاي ويلايسىز بۇل سوعىستا كٸم جەڭەدٸ?
– مەسەلە تەك سوعىستا جاتقان جوق. ديپلوماتييالىق قىسىمدى, سانكتسييانى كٷشەيتە تٷسۋ كەرەك. وسىنداعى شەشەندەر ۋكراينانىڭ ساياساتىن جاقتايدى. سول سەبەپتٸ سٸزدەر جاقتا سوعىسىپ جٷر. رەسەي اگرەسسور. ول ەشقاشان ٶزگەرمەيدٸ. اگرەسسوردى ساباسىنا تٷسٸرۋ ٷشٸن ونىڭ ٶزٸندەي ەرەكەت ەتۋ كەرەك. باسقىنشىلاردىڭ ۋكراينانىڭ ٸشٸنە قاراي ەنٸپ كەتۋٸنە جول بەرمەۋ قاجەت.
– ايتىڭىزشى, دونباسستاعى ايقاس الاڭىندا رامزان قادىروۆتى كەزدەستٸرٸپ قالساڭىز نە ٸستەر ەدٸڭٸز?
– ەي, بۇل مٷمكٸن ەمەس-اۋ. قادىروۆ بۇل جاققا سوعىسۋعا ٶلسە دە كەلمەيدٸ. سەبەبٸ, ٶتە قورقاق ادام. ونىڭ كورتەجٸ تۇپ-تۋرا جٷز كٶلٸكتەن تۇرادى. قادىروۆ بۇلاردىڭ قايسىسىندا وتىرعانىن اجىراتىپ بولمايسىڭ. ول تٸپتٸ شەشەنستاننىڭ ٶز ٸشٸندە وسىلاي جٷرەدٸ. ەمٸن-ەركٸن قوزعالا المايدى. قورقادى. مۇنداي ادامنىڭ ۋكرايناعا كەلۋٸ مٷمكٸن بە? جوق, ەرينە.
– يە, ول پۋتينگە ىنتا-شىنتاسىمەن بەرٸلگەن. قادىروۆ اسا قاتٸگەز ادام. قاتٸگەزدٸگٸ پاتولوگييالىق اۋرۋعا ۇلاسقان. بٸراق پۋتين قادىروۆقا تەۋەلدٸ ەمەس. پۋتين نە ايتادى, قالاي بۇيىرادى قادىروۆ سولاي جٷرەدٸ. پۋتين الدىنا قويعان ماقساتىنان ەشقاشان باس تارتپايتىن ادام. مۇنى قادىروۆ ورىنداي الماسا, ەرتەڭ ونىڭ ورنىنا كەلەتٸن ادامعا جٷكتەيدٸ.
– ال پۋتيننٸڭ بيلٸگٸ قۇلاسا, قادىروۆ قايتپەك?
– نە ٸستەۋشٸ ەدٸ? ەشتەڭە دە. ول پۋتيننٸڭ قولىنداعى قولبالا. پۋتينسٸز, پۋتيننٸڭ كٶمەگٸنسٸز قادىروۆ ەشكٸم ەمەس. پۋتيننٸڭ بيلٸگٸ قۇلاسا قادىروۆتى يت ٶلٸم كٷتٸپ تۇر. ول كاددافيدٸڭ تاعدىرىن قايتالايدى. پۋتيننٸڭ قولداۋىنان, كرەملدٸڭ اقشاسىنان ايىرىلعان قادىروۆ ەكٸ كٷن دە ٶمٸر سٷرە المايدى.
– سوندا قادىروۆتى شەشەن حالقىنىڭ ٶزٸ ۇناتپاي ما?
– ۇناتپايدىڭىز ٶز الدىنا, يتتٸڭ ەتٸنەن جەك كٶرەدٸ. ەرينە, ونىڭ قول استىنداعى ازداعان ادام وعان ادالدىلىعىن ساقتار. بٸراق بۇل دا ۋاقىتشا.
–ەگەر بٷگٸنگٸ رەسەي بيلٸگٸندە پۋتين بولماسا, دونباسستاعى داۋ دا تۋىنداماس ەدٸ دەپ ويلايسىز با?
– بٸلمەيمٸن. پۋتيندٸ تۋعىزعان ورىس حالقى. پۋتين بٷگٸنگٸ ورىس حالقىنىڭ شىن كەيپٸ. باسشىسىنىڭ پيعىلى قانداي بولسا, حالىقتىڭ پايىمى دا سونداي. پۋتيندٸ بيلٸككە ەكەلگەن ورىس حالقىنىڭ ٶزٸ.
دەل قازٸرگٸ رەسەي ستالين دەۋٸرٸن ەلەستەتەدٸ.
– ۋكراينا قىرىمدى قايتارا الا ما, قالاي ويلايسىز?
– بٸلمەيمٸن. قايتارارىنا سەنٸم از. الايدا ەلەمدەگٸ بٸر دە بٸر مەملەكەتتٸڭ قىرىمدى رەسەي جەرٸ دەپ مويىنداماعانى ٷمٸت وتىن ٶشٸرمەي وتىر. مەنٸڭشە رەسەي ٶزٸن-ٶزٸ قۇردىمعا كەتٸرەدٸ. مٸنە, سول كەزدە قىرىمدى دا قايتاراسىزدار. بۇدان كەيٸن سولتٷستٸك كاۆكاز ايماعى دا تەۋەلسٸزدٸك الادى.
دايىنداعان, دۋمان بىقاي
