سٷيەك سورپاسى نەسٸمەن پايدالى?

سٷيەك سورپا – ادامزات تاريحىنداعى ەڭ كٶنە ەرٸ پايدالى تاعامداردىڭ بٸرٸ. ول تەك اس مەزٸرٸنٸڭ بٶلٸگٸ ەمەس, كٶپتەگەن حالىقتاردىڭ دەستٷرلٸ مەديتسيناسىنىڭ ماڭىزدى ەلەمەنتٸ بولىپ سانالادى. بٷگٸندە سالاۋاتتى ٶمٸر سالتىن ۇستاناتىندار مەن دۇرىس تاماقتانۋدى قولعا العان ادامدار اراسىندا سٷيەك سورپا قايتادان تانىمال بولا باستادى, دەپ حابارلايدى Dalanews.kz.

سٷيەك سورپاسىنىڭ پايداسى

سٷيەك سورپاسى تابيعي كوللاگەنگە, امينقىشقىلدارعا, دەرۋمەندەر مەن مينەرالدارعا باي. ونىڭ قۇرامىندا كالتسيي, فوسفور, ماگنيي, تەمٸر, تسينك جەنە سەلەن سەكٸلدٸ اعزاعا قاجەتتٸ ەلەمەنتتەر مول.

كوللاگەن – بٸزدٸڭ سٷيەك, تەرٸ, شاش, تىرناق پەن بۋىندارىمىزدىڭ نەگٸزگٸ قۇرىلىس ماتەريالى. ول جارانىڭ جازىلۋىن تەزدەتەدٸ, تەرٸنٸڭ سەرپٸندٸلٸگٸن ارتتىرادى, شاشتىڭ ٶسۋٸنە ىقپال ەتەدٸ, بۋىنداردىڭ قوزعالىسىن جەڭٸلدەتەدٸ.

عىلىمي زەرتتەۋلەرگە سەيكەس, سٷيەك سورپاسىن تۇراقتى تۇتىنۋ زات الماسۋدى جاقسارتادى جەنە بۇلشىقەت ماسساسىن ساقتاۋعا كٶمەكتەسەدٸ.

ول يممۋنيتەتپەن پەن اسقازانعا پايدالى

سٷيەك سورپاسىنىڭ تاعى بٸر ارتىقشىلىعى — اسقازان-ٸشەك جولدارىنىڭ ساۋلىعىنا وڭ ەسەرٸ. ونداعى گليتسين مەن پرولين سيياقتى امينقىشقىلدار قابىنۋدى ازايتادى, ٸشەك قابىرعاسىن قالپىنا كەلتٸرەدٸ جەنە يممۋندىق جٷيەنٸ نىعايتادى.

سونداي-اق, ول جرۆي جەنە تاعامنان ۋلانۋ كەزٸندە اعزانى تەز قالپىنا كەلتٸرۋگە كٶمەكتەسەدٸ, ٶيتكەنٸ ول اعزاداعى سۇيىقتىق پەن اقۋىز تاپشىلىعىن تيٸمدٸ ٶتەيدٸ.

ول بۋىندار مەن سٷيەكتەرگە پايدالى

سورپاداعى كوللاگەن مەن جەلاتين بۋىنداردىڭ قوزعالىسىن جاقسارتادى, ارتريت پەن رەۆماتيزمنٸڭ بەلگٸلەرٸن جەڭٸلدەتەدٸ. بۇل ەسٸرەسە ەگدە جاستاعىلار مەن بەلسەندٸ ٶمٸر سالتىن ۇستاناتىندار ٷشٸن پايدالى.

ول تەرٸگە پايدالى

بٸر قىزىعى, سٷيەك سورپاسى – تابيعي “سۇلۋلىق سۋسىنى”. ونىڭ قۇرامىنداعى كوللاگەن تەرٸنٸڭ تەگٸس ەرٸ سەرپٸندٸ بولۋىنا كٶمەكتەسەدٸ, ەجٸمدەردٸڭ پايدا بولۋىن باياۋلاتادى. سونداي-اق, تىرناقتاردى قاتايتىپ, شاشتى قالىڭ ەرٸ جىلتىر ەتەدٸ.

سٷيەك سورپاسىن قالاي دۇرىس دايىنداۋ كەرەك?

ناعىز پايدالى سورپا الۋ ٷشٸن ەڭ باستىسى – ساپالى سٷيەكتەر تاڭداۋ. 

• 1 كگ سٷيەككە 3–4 ليتر سۋ قۇيىپ, باياۋ وتتا كەم دەگەندە 6–12 ساعات قايناتادى.

• قايناۋ كەزٸندە ازداپ ليمون شىرىنى نەمەسە سٸركە سۋىن قوسسا, سٷيەكتەگٸ مينەرالدار جاقسى بٶلٸنەدٸ.

• تەتتٸ دەم مەن حوش يٸس ٷشٸن سەبٸز, پيياز, بالدىركٶك, لاۆر جاپىراعى, سارىمساق قوسۋعا بولادى.

• دايىن سورپانى سٷزٸپ, سالقىنداتقان سوڭ توڭازىتقىشتا 3 كٷنگە دەيٸن, ال مۇزداتقىشتا 3–4 ايعا دەيٸن ساقتاۋعا بولادى.

سٷيەك سورپاسىن تاڭەرتەڭ اشقارىنعا ٸشسەڭٸز, ول اس قورىتۋ جٷيەسٸن وياتىپ, ەنەرگييا بەرەدٸ. سونداي-اق, كٷندٸزگٸ نەمەسە كەشكٸ اسقا دا جارايدى. كەيبٸرەۋلەر ونى كٶكٶنٸستەرمەن, جۇمىرتقامەن تولىقتىرىپ ٸشەدٸ.