قازاقستاندا كەيٸنگٸ 10 جىلدا نەكە سانى شامامەن 22 پايىزعا ازايعان. بۇل تۋرالى 15 مامىر - حالىقارالىق وتباسى كٷنٸنە وراي ۇلتتىق ستاتيستيكا بيۋروسى جارييالاعان مەلٸمەتتە ايتىلعان, دەپ حابارلايدى dalanews.kz.
رەسمي دەرەككە سەيكەس 2015 جىلى ەلدە 148,8 مىڭ نەكە تٸركەلسە, 2025 جىلى بۇل كٶرسەتكٸش 116 مىڭعا دەيٸن تٶمەندەگەن. سونىمەن قاتار, نەكەلەسۋ كوەففيتسيەنتٸ دە ازايعان. مەسەلەن, 2015 جىلى ەر 1000 ادامعا شاققاندا 8,48 نەكە تٸركەلسە, 2025 جىلى بۇل كٶرسەتكٸش 5,69 بولعان.
ٶڭٸرلەر اراسىندا ەڭ جوعارى نەكەلەسۋ كوەففيتسيەنتٸ استانادا بايقالعان: 1000 ادامعا 6,75 نەكە. ال ەڭ تٶمەن كٶرسەتكٸش قىزىلوردا وبلىسىندا: 5,06. باتىس قازاقستان وبلىسىندا بۇل كٶرسەتكٸش 5,1 بولعان.
ستاتيستيكاعا سٷيەنسەك, ەلدەگٸ نەكەلەسۋ دەڭگەيٸنٸڭ ەڭ جوعارى كەزەڭٸ 2012-2013 جىلدارعا سەيكەس كەلەدٸ. ول ۋاقىتتا ەر 1000 ادامعا شاققاندا 9,8-9,9 نەكە تٸركەلگەن.
ماماندار مۇنداي ٶزگەرٸسكە بٸرنەشە فاكتور ەسەر ەتكەنٸن ايتادى. سونىڭ بٸرٸ - دەموگرافييالىق تولقىن. ياعني 1990 جىلداردىڭ سوڭىندا تۋۋ كٶرسەتكٸشٸ تٶمەن بولعان كەزەڭدە دٷنيەگە كەلگەن بۋىن قازٸر وتباسى قۇراتىن جاسقا جەتكەن. بۇدان بٶلەك, جاستار اراسىندا نەكەگە كەش تۇرۋ ٷردٸسٸ دە بايقالادى. كەيٸنگٸ 10 جىلدا العاشقى نەكەگە تۇرۋدىڭ ورتاشا جاسى ەرلەردە 27,9 جاسقا, ەيەلدەردە 25,3 جاسقا دەيٸن ۇلعايعان.
