ۇلتتىق ۇلاننىڭ قاراعاندىداعى ەسكەري بٶلٸمدەرٸندە 20 دان استام ەسكەري وتباسى بار.
15 مامىر – حالىقارالىق وتباسى كٷنٸنە وراي قاراعاندى قالاسىنداعى قازاقستان رەسپۋبليكاسى ۇلتتىق ۇلانىنىڭ ەسكەري بٶلٸمدەرٸندە قىزمەت اتقارىپ جٷرگەن ەسكەري وتباسىلار جايىندا ەرەكشە اتاپ ٶتۋگە بولادى. بٷگٸندە ٶڭٸردەگٸ ەسكەري بٶلٸمدەردە 20-دان استام وتباسى وتان الدىنداعى بورىشىن بٸرگە اتقارىپ كەلەدٸ. ولار تەك قىزمەتتە عانا ەمەس, ٶمٸردە دە بٸر-بٸرٸنە تٸرەك بولىپ, ەسكەري ورتاداعى وتباسى قۇندىلىقتارىنىڭ جارقىن ٷلگٸسٸن كٶرسەتۋدە.
سولاردىڭ بٸرٸ – قازاقستان رەسپۋبليكاسىنىڭ ۇلتتىق ۇلانى قۇرامىنداعى 5451 ەسكەري بٶلٸمٸندە قىزمەت اتقارىپ جٷرگەن تاۋباەۆتار وتباسى. ەرلٸ-زايىپتىلار ەسكەري قىزمەتتٸڭ جاۋاپكەرشٸلٸگٸن تەرەڭ تٷسٸنٸپ, ەل قاۋٸپسٸزدٸگٸن قامتاماسىز ەتۋ جولىندا بٸرگە ەڭبەك ەتٸپ كەلەدٸ. ولاردىڭ وتباسى ەسكەري تەرتٸپ پەن ٶزارا سىيلاستىقتىڭ, قولداۋ مەن سەنٸمنٸڭ سيمۆولىنا اينالعان.
سونىمەن قاتار ەسكەري ورتادا ٶزدەرٸنٸڭ ٷلگٸلٸ قىزمەتٸمەن ەرەكشەلەنٸپ جٷرگەن گولوۆكولار وتباسى مەن اتانتاەۆتار وتباسى دا ەرٸپتەستەرٸ اراسىندا ٷلكەن قۇرمەتكە يە. ولار كٷندەلٸكتٸ قىزمەت بارىسىندا كەسٸبيلٸك پەن تاباندىلىق تانىتىپ قانا قويماي, جاس ەسكەري قىزمەتشٸلەرگە ٶنەگە بولىپ كەلەدٸ.
ەسكەري قىزمەت – ٷلكەن جاۋاپكەرشٸلٸك پەن تٶزٸمدٸ تالاپ ەتەتٸن سالا. ال بۇل جولدا وتباسىنىڭ قولداۋى ەرەكشە ماڭىزعا يە. سوندىقتان ەسكەري وتباسىلار – ەل تىنىشتىعى مەن قاۋٸپسٸزدٸگٸنٸڭ كٶرٸنبەيتٸن, بٸراق اسا ماڭىزدى تٸرەگٸ.
حالىقارالىق وتباسى كٷنٸ – وتباسى قۇندىلىعىن دەرٸپتەپ, بٸرلٸك پەن سىيلاستىقتى نىعايتاتىن مەرەكە. وسىنداي مەرەيلٸ كٷندە ەسكەري قىزمەتتٸ بٸرگە اتقارىپ جٷرگەن وتباسىلارعا العىس بٸلدٸرۋ – ٷلكەن قۇرمەت
