اقمولا وبلىسىنداعى سادوۆوە اۋىلىندا مەملەكەتكە قايتارىلعان اكتيۆتەر ەسەبىنەن سۋ قۇبىرى جۇيەسى سالىندى، دەپ حابارلايدى Dalanews.kz.
نىساننىڭ قۇرىلىسى مەملەكەتكە پروكۋراتۋرا ورگاندارى ارقىلى قايتارىلعان اكتيۆتەر ەسەبىنەن قارجىلاندىرىلدى.
سالتاناتتى اشىلۋ راسىمىنە اقمولا وبلىسىنىڭ پروكۋرورى رۋفات قۇتتىقوۆ، زەرەندى اۋدانىنىڭ اكىمى اسەت قۇرمانعوجين، اۋدان پروكۋرورى اسقار داستان جانە اۋىل تۇرعىندارى قاتىستى.
وبلىس پروكۋرورى رۋفات قۇتتىقوۆ اۋىل تۇرعىندارىن جاڭا سۋ قۇبىرى جەلىسىنىڭ اياقتالۋىمەن قۇتتىقتاپ، بۇل تەك ءبىر نىساننىڭ ىسكە قوسىلۋى عانا ەمەس، اۋىل تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان ماڭىزدى قادام ەكەنىن اتاپ ءوتتى.
ورتالىقتاندىرىلعان سۋ جۇيەسىنىڭ ىسكە قوسىلۋى سادوۆوە اۋىلىنداعى 1 500-دەن استام تۇرعىندى ساپالى اۋىزسۋمەن قامتاماسىز ەتىپ، جايلى ءومىر ءسۇرۋ جاعدايلارىن جاسايدى جانە ءوڭىردىڭ الەۋمەتتىك-ەكونوميكالىق دامۋىنا وڭ اسەرىن تيگىزەدى.
