Aqmola oblysyndaǵy Sadovoe aýylynda memleketke qaitarylǵan aktivter esebinen sý qubyry júiesi salyndy, dep habarlaidy Dalanews.kz.
Nysannyń qurylysy memleketke prokýratýra organdary arqyly qaitarylǵan aktivter esebinen qarjylandyryldy.
Saltanatty ashylý rásimine Aqmola oblysynyń prokýrory Rýfat Quttyqov, Zerendi aýdanynyń ákimi Áset Qurmanǵojin, aýdan prokýrory Asqar Dastan jáne aýyl turǵyndary qatysty.
Oblys prokýrory Rýfat Quttyqov aýyl turǵyndaryn jańa sý qubyry jelisiniń aiaqtalýymen quttyqtap, bul tek bir nysannyń iske qosylýy ǵana emes, aýyl turǵyndarynyń ómir súrý sapasyn arttyrýǵa baǵyttalǵan mańyzdy qadam ekenin atap ótti.
Ortalyqtandyrylǵan sý júiesiniń iske qosylýy Sadovoe aýylyndaǵy 1 500-den astam turǵyndy sapaly aýyzsýmen qamtamasyz etip, jaily ómir súrý jaǵdailaryn jasaidy jáne óńirdiń áleýmettik-ekonomikalyq damýyna oń áserin tigizedi.
