ۆەدومستۆوداعىلاردىڭ ايتۋىنشا، مارقۇمداردىڭ دەنەسىندە زورلىق بەلگىلەر بار. پوليسەيلەر كىسى ءولتىردى دەگەن كۇدىكتىلەردى ۇستاپتى. ولار جامبىل اۋدانىنىڭ ەكى تۇرعىنى. قازىرگى ۋاقىتتا ق ر قىلمىستىق كودەكسىنىڭ 99-بابى («ادام ءولتىرۋ») بويىنشا سوتالدى تەرگەۋ باستالىپتى. كۇدىكتىلەر ۋاقىتشا ۇستاۋ يزولياتورىنا قامالدى.
ال باق-تاردا پوليسەيلەردىڭ قارالى حاباردى تۋىستارىنا ەستىرتكەنى تۇسىرىلگەن ۆيدەو جاريا بولدى.
https://www.youtube.com/watch؟v=3UfGv_8Ym-A
https://www.youtube.com/watch؟v=7QqeL_gKjtQ
ەسكە سالايىق، 1979 جىلعى دولدان ۇلى جارقىنبەك، 1973 جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەر شىعىس قازاقستان وبلىسىنىڭ تارباعاتاي اۋدانىنان 40 باس مال ساتىپ الىپ، ونى ەكى جۇك كولىگىمەن 17 قىركۇيەك، سەنبى كۇنى، الماتى ماڭىنداعى ۇزىناعاش بازارىنا شىعارعان.
سودان بەرى تۋىستارى ول ازاماتتاردىڭ ەش حابارىن بىلە الماي، ىزدەۋ سالعان بولاتىن. كەشە جوعالعان ازاماتتار مال تيەپ كەتكەن ەكى كولىكتىڭ جانە جوعالعان جىگىتتەر بازارعا الىپ شىققان 40 باس ءىرى قارانىڭ 35 باسى تابىلعانى تۋرالى جازىلعان بولاتىن.
