Almaty oblysynda joǵalǵan úsh azamattyń qaitys bolǵany habarlandy (video)
Vedomstvodaǵylardyń aitýynsha, marqumdardyń denesinde zorlyq belgiler bar. Politseiler kisi óltirdi degen kúdiktilerdi ustapty. Olar Jambyl aýdanynyń eki turǵyny. Qazirgi ýaqytta QR Qylmystyq kodeksiniń 99-baby («Adam óltirý») boiynsha sotaldy tergeý bastalypty. Kúdiktiler ýaqytsha ustaý izoliatoryna qamaldy.
Al BAQ-tarda politseilerdiń qaraly habardy týystaryna estirtkeni túsirilgen video jariia boldy.
https://www.youtube.com/watch?v=3UfGv_8Ym-A
https://www.youtube.com/watch?v=7QqeL_gKjtQ
Eske salaiyq, 1979 jylǵy Doldanuly Jarqynbek, 1973 jylǵy Zarlyhanuly Muqiiat pen Álimhan Qadylbek esimdi jigitter Shyǵys Qazaqstan oblysynyń Tarbaǵatai aýdanynan 40 bas mal satyp alyp, ony eki júk kóligimen 17 qyrkúiek, senbi kúni, Almaty mańyndaǵy Uzynaǵash bazaryna shyǵarǵan.
Sodan beri týystary ol azamattardyń esh habaryn bile almai, izdeý salǵan bolatyn. Keshe joǵalǵan azamattar mal tiep ketken eki kóliktiń jáne joǵalǵan jigitter bazarǵa alyp shyqqan 40 bas iri qaranyń 35 basy tabylǵany týraly jazylǵan bolatyn.
