مالىمەتتەرگە سايكەس، 1984 جىلى ىسكە قوسىلىپ، بۇگىنگى تاڭعا ابدەن توزىعى جەتىپ قايتا-قۇرىلىمداۋدى تالاپ ەتەتىن بەكەت «سارىاعاش» ەمدەۋ وڭالتۋ كەشەنى ءجشس-نىڭ تەڭگەرىمىندە، نەگىزگى قۋاتى تاۋلىگىنە 1000 تەكشە مەترگە ەسەپتەلگەن. ال قازىرگى تاڭدا، كوكتەرەك كەنتىندەگى حالىق سانىنىڭ ۇلعايۋىنا جانە شيپاجايلار سانى 20-دان اسا ارتۋىنا بايلانىستى كارىز سۋلارىنىڭ كولەمى بۇرىنعىسىنان بىرنەشە ەسەگە ارتىپ، اپاتتى جاعدايدا جۇمىس جۇرگىزىپ كەلەدى.
وسىعان بايلانىستى بۇل اتالعان توزىعى جەتكەن كارىز جۇيەسى مەن شايىندى سۋلاردى تازارتۋ بەكەتىن قايتا قۇرىلىمداۋعا جانە قۋاتىن ارتتىرۋعا «سارىاعاش» ەمدەۋ وڭالتۋ كەشەنى ءجشس-ى ءوز قاراجات ەسەبىنەن جالپى سوماسى 28 ملن. تەڭگەگە جوبالىق-سمەتالىق قۇجاتىن (پسد) ازىرلەپ، مەملەكەتتىك ساراپتامانىڭ وڭ قورىتىندىسىن الدى. جوبا بويىنشا قۋاتتىلىعى تاۋلىگىنە 3100 تەكشە مەترگە دەيىن كارىز سۋلارىن قابىلداپ-تازارتۋ مۇمكىندىگىنە يە. جوبا قۇنى 1 164،008 ملن.تەڭگەنى قۇرايدى.
قازىرگى تاڭعا كاسىپكەرلىك نىساندارىندا جۇمىس ىستەپ جاتقان ازاماتتارعا ءتۇسىندىرۋ جۇمىستارى جۇرگىزىلۋدە. كوكتەرەك كۋرورتى اۋماعىن دامىتۋ باعدارلاماسىندا ساۋدا-ساتتىق جاساۋشىلارعا «سارىاعاش» ەمدەۋ وڭالتۋ كەشەنى اۋماعىنان ارنايى جەر قاراستىرىلۋدا. دەگەنمەن بۇگىنگى كۇنگە كارىز جۇيەسى مەن شايىندى سۋلاردى تازارتۋ بەكەتىن قايتا قۇرىلىمداۋعا جاسالىنعان جوبانىڭ ىسكە اسىرۋ پروسەدۋراسى ءبىراز ۋاقىتتى تالاپ ەتەدى. سوندىقتان كارىز جۇيەسىنىڭ جوباسى ىسكە اسقانعا دەيىن ساۋدا-ساتتىقپەن شۇعىلداناتىن تۇلعالارعا جاڭا زاماۋي ساۋدا ورىندارىمەن قامتاماسىز ەتۋ جوسپارلانۋدا.
جالپى، اۋداندا مينەرالدىق جانە تەرمالدىق سۋلاردى پايدالانۋ ارقىلى ساۋىقتىرۋ ءتۋريزمىن دامىتۋ ماقساتىندا «سارىاعاش» جاڭا كۋرورتتىق قالاشىعىنىڭ قۇرىلىسى بويىنشا ءبىرقاتار جوبالاردى ىسكە اسىرۋ جوسپارلانىپ وتىر. «سارىاعاش» جاڭا كۋرورت اۋماعىن جالپى جەر كولەمى 530 گەكتارعا ۇلعايتۋ جوسپارلانىپ، جەر ۋچاسكەلەرىنە تۇگەندەۋ جۇمىستارى جۇرگىزىلۋدە. اۋداندىق كاسىپكەرلىك بولىمىنە تۋريزم سالاسىن دامىتۋ باعىتىندا بۇگىنگى كۇنگە كوكتەرەك كەنتى اۋماعىنداعى جەر ۋچاسكەلەرىنىڭ نىسانالى ماقساتىنا ساي ىسكە اسىرىلاتىن 10 جوبا ۇسىنىلىپ، جوبالىق سمەتالىق قۇجاتتارى ازىرلەنۋدە.
