پوليسيا ازاماتتارعا ماڭىزدى ەسكەرتۋ جاسادى، دەپ حابارلايدى Dalanews.kz.
دوموفون قىزمەتتەرىنە بايلانىستى جاڭا الاياقتىق ءادىس پايدا بولعان: بەيتانىس ادامدار ازاماتتارعا قوڭىراۋ شالىپ، ءوزىن دوموفونعا تەحنيكالىق قىزمەت كورسەتەتىن كومپانيا قىزمەتكەرى رەتىندە تانىستىرادى.
ارتىنشا الاياقتار "قوسىمشا كىلتتەر جاساۋ" نەمەسە "كىلتسىز كىرۋ قىزمەتىن قوسۋ" سياقتى جالعان قىزمەتتەر ۇسىنادى.
ول ءۇشىن كىرەبەرىس ەسىكتى كىلتسىز اشۋعا مۇمكىندىك بەرەتىن التى تاڭبالى "جەكە كود" جىبەرەتىنىن ايتادى. ولار ءار پاتەردىڭ جەكە كودى بولاتىنىن جانە بۇل جاڭا، رەسمي قىزمەت ەكەنىن العا تارتادى.
ىشكى ىستەر مينيسترلىگى مالىمەتىنشە، شىن مانىندە مۇنداي سەرۆيس مۇلدەم جوق. ازاماتتىڭ كەلىسىمىن العان سوڭ الاياقتار جەكە دەرەك جيناۋعا كىرىسەدى.
قۇزىرلى ورگاندار تۇرعىنداردى بارىنشا ساق بولۋعا جانە مۇنداي قوڭىراۋلارعا سەنبەۋگە شاقىردى
