بۇگىن الماتىدا قازاقستاننىڭ گرەك-ريم، ەركىن جانە ايەلدەر كۇرەسى فەدەراسياسىنىڭ كونفەرەنسياسى ءوتىپ، جاڭا پرەزيدەنت سايلانۋى كۇتىلىپ وتىر، دەپ حابارلايدى Dalanews.kz.
Beksports مالىمەتىنشە، ءقازىر الماتىدا كۇرەس تۇرلەرى بويىنشا قازاقستان چەمپيوناتى جالعاسىپ جاتىر. ەل بىرىنشىلىگى اياسىندا فەدەراسيانىڭ اتقارعان جۇمىسىنا قورىتىندى جاسالىپ، ۇيىم جەتەكشىلىگىنە جاڭا باسشى تاڭدالاتىنى حابارلاندى.
فەدەراسيانى 2021 جىلدان بەرى وليمپيادا ويىندارىنىڭ كۇمىس جۇلدەگەرى، بەلگىلى بالۋان ءارى ءماجىلىس دەپۋتاتى داۋلەت تۇرلىحانوۆ باسقارىپ كەلدى.
ايتا كەتەرلىگى، بيىل وتكەن الەم چەمپيوناتىندا قازاقستاندىق بالۋان ايدوس سۇلتانعالي التىن جۇلدە يەلەندى.
ەسكە سالساق، داۋلەت تۇرلىحانوۆ كەڭەس جانە قازاقستاندىق گرەك-ريم كۇرەسىنىڭ داڭقتى سپورتشىسى. ول كسرو-نىڭ ەڭبەك سىڭىرگەن سپورت شەبەرى (1989)، قازاقستاننىڭ ەڭبەك سىڭىرگەن جاتتىقتىرۋشىسى. سونىمەن قاتار، 1989 جىلعى الەم چەمپيونى، 1993 جىلعى الەمنىڭ كۇمىس جۇلدەگەرى، 1995 جىلعى ەۋروپا جانە ازيا چەمپيونى، وليمپيادا ويىندارىنىڭ كۇمىس (1988) جانە قولا (1992) جۇلدەگەرى، سەگىز دۇركىن كسرو چەمپيونى.
