Búgin Almatyda Qazaqstannyń grek-rim, erkin jáne áielder kúresi federatsiiasynyń konferentsiiasy ótip, jańa prezident sailanýy kútilip otyr, dep habarlaidy Dalanews.kz.
Beksports málimetinshe, qazir Almatyda kúres túrleri boiynsha Qazaqstan chempionaty jalǵasyp jatyr. El birinshiligi aiasynda federatsiianyń atqarǵan jumysyna qorytyndy jasalyp, uiym jetekshiligine jańa basshy tańdalatyny habarlandy.
Federatsiiany 2021 jyldan beri Olimpiada oiyndarynyń kúmis júldegeri, belgili balýan ári Májilis depýtaty Dáýlet Turlyhanov basqaryp keldi.
Aita keterligi, biyl ótken álem chempionatynda qazaqstandyq balýan Aidos Sultanǵali altyn júlde ielendi.
Eske salsaq, Dáýlet Turlyhanov keńes jáne qazaqstandyq grek-rim kúresiniń dańqty sportshysy. Ol KSRO-nyń eńbek sińirgen sport sheberi (1989), Qazaqstannyń eńbek sińirgen jattyqtyrýshysy. Sonymen qatar, 1989 jylǵy álem chempiony, 1993 jylǵy álemniń kúmis júldegeri, 1995 jylǵy Eýropa jáne Aziia chempiony, Olimpiada oiyndarynyń kúmis (1988) jáne qola (1992) júldegeri, segiz dúrkin KSRO chempiony.
