قازاقستاندىق بوكسشى دۋلات بەكباۋوۆ دوپينگ ەرەجەسٸن بۇزعانى ٷشٸن ەكٸ جىلعا سپورتتان شەتتەتٸلەدٸ. بۇل تۋرالى حالىقارالىق تەستٸلەۋ اگەنتتٸگٸ (ITA) حالىقارالىق بوكس قاۋىمداستىعى (IBA) اتىنان مەلٸمدەدٸ, دەپ حابارلايدى Dalanews.kz.
شەشٸم 2025 جىلدىڭ 18 قاراشاسىنان 2027 جىلدىڭ 17 قاراشاسىنا دەيٸن كٷشٸندە بولادى. سونىمەن قاتار سپورتشىنىڭ 2025 جىلدىڭ 1 قاڭتارىنان بەرگٸ بارلىق نەتيجەسٸ جويىلادى.
نەگە شەتتەتٸلدٸ?
IBA-نىڭ انتيدوپينگ ەرەجەلەرٸنٸڭ 2.4-بابىنا ساي, بەكباۋوۆ بٸر جىل ٸشٸندە ٷش رەت ورنالاسقان جەرٸ تۋرالى مەلٸمەتتٸ ۋاقىتىندا ەنگٸزبەگەن. بۇل انتيدوپينگ جٷيەسٸندەگٸ ەلەۋلٸ تەرتٸپ بۇزۋشىلىق سانالادى. سپورتشى بۇل فاكتٸلەردٸ جوققا شىعارماي, شەشٸمگە قارسى شاعىم تٷسٸرمەگەن.
ITA-نىڭ مەلٸمەتٸنشە, بۇل شەشٸم IBA-نىڭ 13.2.3-بابىنا سەيكەس CAS-تىڭ اپەللياتسييالىق القاسىنا شاعىمدانۋ ارقىلى قايتا قارالۋى مٷمكٸن. اگەنتتٸك ٸس بويىنشا قوسىمشا تٷسٸنٸكتەمە بەرمەيتٸنٸن اتاپ ٶتتٸ.
ايتا كەتەيٸك, دۋلات بەكباۋوۆ — قازاقستان ۇلتتىق قۇراماسىنىڭ مٷشەسٸ, حالىقارالىق ەۋەسقوي تۋرنيرلەردٸڭ قاتىسۋشىسى. ول 2022 جىلعى ازييا چەمپيوناتىنىڭ جەنە 2023 جىلعى ەلەم بٸرٸنشٸلٸگٸنٸڭ كٷمٸس جٷلدەگەرٸ.
ەسكە سالساق, بۇعان دەيٸن قازاقستاندىق كەسٸبي بوكسشى جەنٸبەك ەلٸمحانۇلى دا دوپينگ داۋىنا ٸلٸگٸپ, 6 جەلتوقساندا اقش-تا ٶتەتٸن ەريسلاندي لاراعا قارسى چەمپيوندىق جەكپە-جەگٸ توقتاتىلعان ەدٸ.
