ٷلكەن اۋىلىندا ەلٸمٸزدٸڭ ەكٸنشٸ اتوم ەلەكتر ستانتسيياسىنا قاتىستى جارييا تىڭداۋ ٶتتٸ, دەپ حابارلايدى Dalanews.kz.
الماتى وبلىسىنا قاراستى ٷلكەن اۋىلىندا قازاقستاندا سالىنۋى مٷمكٸن ەكٸنشٸ اتوم ەلەكتر ستانتسيياسىنىڭ ورنى تالقىلاندى. تىڭداۋعا جەرگٸلٸكتٸ تۇرعىندار, قوعامدىق ۇيىم ٶكٸلدەرٸ, مەسليحات دەپۋتاتتارى, اتوم ەنەرگيياسى جٶنٸندەگٸ اگەنتتٸگٸ, «قازاقستاندىق اتوم ەلەكتر ستانتسييالارى» جشس مەن «يادرولىق فيزيكا ينستيتۋتى» رمك ماماندارى قاتىستى.
اتوم ەنەرگيياسى جٶنٸندەگٸ اگەنتتٸك پەن «قازاقستاندىق اتوم ەلەكتر ستانتسييالارى» كومپانيياسى نەگٸزگٸ ەنەرگييا جٷكتەمەسٸ, گەولوگييالىق جاعدايلار جەنە ەلەكتر جەلٸلەرٸنٸڭ ينفراقۇرىلىمى ەسكەرٸلگەنٸن اتاپ ٶتٸپ, وسى فاكتورلار بويىنشا ەكٸنشٸ اەس-كە ارنالعان ىقتيمال اۋماقتارعا تالداۋ جٷرگٸزٸلگەنٸن حابارلادى.
تىڭداۋ قورىتىندىسى الماتى وبلىسى مەسليحاتىنا جولدانباق.
سونىمەن قاتار, قازٸر جوسپارلانىپ وتىرعان «بالقاش» العاشقى اتوم ەلەكتر ستانتسيياسىنىڭ اۋماعىندا ينجەنەرلٸك-ٸزدەستٸرۋ جۇمىستارى جٷرگٸزٸلٸپ جاتىر.
