پرەزيدەنت قاسىم-جومارت توقاەۆ جاستارعا ٷن قاتتى, دەپ حابارلايدى Dalanews.kz.
مەملەكەت باسشىسى قاسىم-جومارت توقاەۆ "التىن ساپا" جەنە "پارىز" سىيلىعىنىڭ لاۋرەاتتارىن, "قازاقستاننىڭ ٷزدٸك تاۋارى" رەسپۋبليكالىق كٶرمە كونكۋرسىنىڭ جەڭٸمپازدارىن ماراپاتتاۋ رەسٸمٸندە سٶز سٶيلەدٸ.
"قازٸر ەلەمدە بولىپ جاتقان ٷدەرٸستەردٸ بەرٸڭٸز دە كٶرٸپ-بٸلٸپ وتىرسىزدار. گەوەكونوميكالىق احۋال ٶتە قۇبىلمالى ەرٸ بۇلىڭعىر. وسىنداي كەزەڭدە بيزنەس ٶكٸلدەرٸنٸڭ جاسامپازدىق, وتانشىلدىق قاسيەتتەرٸ ايقىن كٶرٸنەدٸ. مۇنداي ۋاقىتتا كەسٸپكەرلەرٸمٸزدٸڭ تاباندى ەڭبەگٸ جەنە ەل بولاشاعىنا دەگەن زور سەنٸمٸ اسا ماڭىزدى ەكەنٸ انىق. تٷپتەپ كەلگەندە, ساپالى ٶنٸم شىعارىپ, ساپالى قىزمەت كٶرسەتۋ – بەسەكەگە قابٸلەتتٸ بولۋ جەنە ەڭ باستىسى, ەلٸمٸزدٸڭ ٶركەندەۋٸنە ناقتى ٸسپەن ٷلەس قوسۋ دەگەن سٶز. ەل پرەزيدەنتٸ رەتٸندە كەسٸپكەرلەرگە, ۇلتتىق بۋرجۋازييامىزعا, سونىڭ ٸشٸندە, ەڭ الدىمەن, وسى زالدا وتىرعان بيزنەس قوعامداستىقتىڭ ٶكٸلدەرٸنە شىنايى قۇرمەتپەن قارايمىن. سٸزدەردٸڭ قابٸلەتتەرٸڭٸزگە, ٸسكەرلٸك جەنە ادامگەرشٸلٸك قاسيەتتەرٸڭٸزگە سەنەمٸن. سٸزدەر مەملەكەتٸمٸزدٸڭ يگٸلٸگٸ, ەكونوميكالىق ەلەۋەتٸ ٷشٸن تاباندى ەڭبەك ەتٸپ كەلە جاتقان قازاقستاننىڭ ناعىز پاتريوتىسىزدار. سٸزدەر جەتٸستٸككە جەتۋدەن شابىت الاتىن, ٶزگەلەرگە ٷلگٸ بولاتىن ازاماتسىزدار. ەر قادامدارىڭىز سەتتٸ بولاتىنىنا سەنٸمدٸمٸن", - دەدٸ توقاەۆ.
پرەزيدەنتتٸڭ پٸكٸرٸنشە, قانداي دا بٸر ٸستە بولسىن, پەسسيميزمگە بوي الدىراتىن, ەرەكەتسٸز, قۇلىقسىز, ٸشٸ تار ادامداردىڭ جەتٸستٸككە جەتپەيتٸنٸ ەرتەدەن بەلگٸلٸ.
"مۇنى, ەسٸرەسە, ەلەۋمەتتٸك جەلٸدە ۋاقىتىن ٶتكٸزٸپ جاتقان جاستار بٸلۋٸ ەرٸ ەستە ساقتاۋى كەرەك. شىعىس دانالىعى ەڭ قيىن جاعدايدىڭ ٶزٸندە ٷلكەن مٷمكٸندٸكتەر جاسىرىنىپ جاتاتىنىن ايتادى. سوندىقتان ەڭسەنٸ تٷسٸرٸپ, كٷيزەلٸسكە بەرٸلۋدٸڭ قاجەتٸ جوق. كەرٸسٸنشە جەتٸستٸككە جەتەتٸن جول ٸزدەۋ كەرەك", - دەدٸ توقاەۆ.
