قويىلىمعا شىعارما اۆتورى بەلگىلى جازۋشى-دراماتۋرگ، فيلولوگيا عىلىمدارىنىڭ كانديداتى، قوعام قايراتكەرى، «قۇرمەت» وردەنىنىڭ يەگەرى، قازاقستاننىڭ ەڭبەك سىڭىرگەن قايراتكەرى جولتاي ءالماش ۇلى مەن تۇركىستان وبلىسى اكىمىنىڭ ورىنباسارى مالىك نۇرجان ۇلى جانە وبلىستىق مادەنيەت جانە تىلدەردى دامىتۋ باسقارماسىنىڭ باسشىسى نۇرداۋلەت ەركىن ۇلى، ر.سەيتمەتوۆ اتىنداعى تۇركىستان قالاسى سازدى-دراما تەاترىنىڭ باسشىسى ەرجان يبادۋللا ۇلى مەن زيالى قاۋىم وكىلدەرى، قالا تۇرعىندارى مەن جاستار قاتىستى.
بۇگىنگى كۇننىڭ تاقىرىبىن قوزعايتىن بۇل شىعارما – XX عاسىردىڭ باس كەزىندەگى ساياسي جاعدايعا بايلانىستى تاعدىر تالكەگىنە ۇشىراپ، ەلدەن كوشىپ، فرانسيا توپىراعىنان ءبىر-اق شىققان قازاق وتباسىنىڭ تاعدىرىن كورسەتەدى. سەكسەننىڭ سەڭگىرىنە شىققان اسان قارت تۋعان جەرىن ساعىنىپ، تاۋەلسىز قازاق ەلىنە جەتكەنشە اسىعادى. ال بالالارى بولسا، ونىڭ ءوتىنىشىن ورىنداي قويمايدى. ۇلكەن ۇلى مارات جەكە كاسىبىن، جىلى ورنىن تاستاپ، وزىنە بەيتانىس ولكەگە قونىس اۋدارۋدان ۇزىلدى-كەسىلدى باس تارتادى. الايدا، اتاسىنىڭ جان-دۇنيەسىن تەرەڭ تۇسىنگەن ەلجان بولسا، «قايتسەم دە اكەمدى تۋعان جەرىنە اپارامىن» دەپ شەشىم قابىلدايدى. باۋىرلار، اكە جانە وتباسى اراسىنداعى تارتىس شيەلەنىستى، كەيىپكەرلەر سوزدەرى نانىمدى، وقيعا مازمۇندى بولعاندىقتان، كورەرمەندى بەي-جاي قالدىرمادى. تۋعان جەرى تۇركىستان جەرىنە ورالعاننان كەيىنگى ساتتەر ەرەكشە تەبىرەنىس سىيلادى.
جيىن سوڭىندا تۇركىستان وبلىس اكىمىنىڭ ورىنباسارى مالىك نۇرجان ۇلى تاريحي مەكەنگە تابان تىرەگەن قوستانايلىق تەاتر ۇجىمىنا العىسىن ءبىلدىرىپ، قويىلىمنىڭ اۆتورى جولتاي ءالماش ۇلى مەن تەاتر باسشىسى ءسابىرالى بايعازىۇلىنا العىس حات پەن وبلىس باسشىسىنا سىي-سياپات تابىستادى.
