– ساتتار كيەلٸ تٷركٸستاندا تۋىپ, ٶسكەن. ٶزٸ جازعانداي, ونىڭ جٶپٸرەيگەن ٷيٸ قالانىڭ شەت جاعىندا, تەمٸرجولعا جاقىن ەكەن. كٶرشٸسٸ جۇمىستان كەشكە قايتقاندا بٸر بٶلكە نان الىپ كەلسە, ونىڭ ەيەلٸ بالاسىنا: «ە, بالام, باعىڭ بار ەكەن, ەكەڭ نان ەكەلدٸ» دەيدٸ ەكەن. ساتتار: «باقىت دەگەن نان ەكەن دەپ ويلاۋشى ەدٸم» دەيدٸ.
«لەنينشٸل جاستىڭ» وتىزىنشى جىلدارداعى تٸگٸندٸسٸ ساقتالسا, ەر نٶمٸرٸنەن دەرلٸك ساتتار ەرۋباەۆتىڭ قاينار پۋبليتسيستيكاسى تابىلادى.
ٶكٸنٸشكە وراي, قازاق ەدەبيەتٸنٸڭ جايساڭ تۇلعاسى ساتتاردىڭ مولاسى تابىلمادى. بەلگٸ جوق. بٸزگە كارت كومسومولدار كٶمەكتەسە المادى. سٶيتٸپ, ساتتار اۆتوستانسا استىندا قالدى»
يە, ٶزەكتٸ ٶرتەيتٸن ٶكٸنٸش. قىسقا عۇمىرىندا قاۋاتتى تۋىندىلار جازىپ, قىرشىن كەتكەن قالامگەردٸڭ ايدىڭ كٷننٸڭ امانىندا باسىن اعارتۋ ٶزەكتٸ ٶرتەيتٸن ٶكٸنٸش ەكەنٸ انىق.
سول كەزدە كومسومالدىڭ حاتشىسى, كەيٸننەن مەدەنيەت مينيسترٸ بولعان ٶزبەكەلٸ جەنٸبەكوۆتىڭ ساتتار ەرۋباەۆتىڭ سٷيەگٸن تاۋىپ, باسىنا بەلگٸ قويۋ ٷشٸن جانتالاسۋىن نەتكەن ازاماتتىق دەسەڭٸزشٸ.
قازٸرگٸ مينيسترلەر جەنٸبەكوۆتىڭ وسىنداي ٸستەرٸنەن ٷلگٸ السا قانەكي. بٷگٸنگٸ مينيسترلەرٸڭٸز, ٶلگەن قالامگەرلەر تۇرماق كٶزٸ تٸرٸ كلاسسيك جازۋشىلاردى تانىمايتىنى ەسٸڭٸزگە تٷسكەندە, بيلٸك باسىنداعى شەندٸلەردٸڭ تۋعنا ۇلتىنان قانشالىقتى الىستاپ كەتكەنٸن بايقاۋعا بولادى.
دەل قازٸر بٸزگە ۇلت مٷددەسٸ جولىندا جانىن سالىپ جۇمىس ٸستەيتٸن جەنٸبەكوۆتەي ازاماتتىڭ جەتٸسپەيدٸ.
نۇرلان جۇماحان
