قايتارىلعان اكتيۆتەردى باسقارۋ كومپانياسى 24 شىلدەدە قازاقستاندىق وليگارحتاردان تاركىلەنگەن برەندتىك زەرگەرلىك بۇيىمداردىڭ ءساتتى ساتىلعانى تۋرالى ەسەپ بەردى، دەپ حابارلايدى Dalanews.kz.
ساۋدا ناتيجەلەرى
ساۋداعا قويىلعان 56 لوتتىڭ تەك 18ء-ى عانا ساتىلدى. باستاپقى باعاسى شامامەن 14،8 ملن تەڭگە بولعان اشەكەيلەر اۋكسيوندا 17%-عا قىمبات باعاعا ءوتىپ، مەملەكەتكە 16،9 ملن تەڭگە تابىس اكەلدى.
جاڭا يەسىن تاپقان اشەكەيلەردىڭ قاتارىندا FOPE برەندىنە تيەسىلى بىلەزىك بار – ول 3،5 ملن تەڭگەگە ساتىلدى (ساۋىردە ول 3 ملن 582 مىڭ تەڭگەگە باعالانعان بولاتىن). سونىمەن قاتار Picchiotti جۇزىگى، كۋلونى بار التىن تىزبەك، يزۋمرۋدپەن، ىنجۋ-مارجانمەن جانە گاۋھار تاستارمەن بەزەندىرىلگەن بىرنەشە جۇزىك جانە وزگە دە زەرگەرلىك بۇيىمدار ساتىلعان.
ساۋدا وتپەگەن لوتتار مەن باعا ساياساتى
قايتارىلعان اكتيۆتەردى باسقارۋ كومپانياسى مالىمەتىنشە، 38 زەرگەرلىك بۇيىم بويىنشا ساۋدا وتپەگەن.
«بۇل - نارىقتىق مەحانيزمنىڭ تابيعي بولىگى. اتالعان لوتتار زاڭعا ساي بەلگىلەنگەن تارتىپپەن قايتادان ساۋداعا شىعارىلادى»، - دەدى كومپانيا وكىلدەرى.
تاركىلەنگەن زەرگەرلىك بۇيىمدار بىرتىندەپ ساتىلىپ جاتىر، الايدا كەي برەندتەردىڭ باعاسى تىم جوعارى بولعاندىقتان، ولاردى بىرنەشە مارتە ارزانداتۋعا تۋرا كەلەدى.
ەڭ قولجەتىمدى لوتتار، مىسالى، Tiffany & Co سىرعالارى، بۇرىننان باستاپقى باعامەن ساتىلىپ كەتكەن.
