استانادا قوسىمشا بٸلٸم بەرۋ سالاسىندا «بٸر بالا – بٸر ۆاۋچەر» جٷيەسٸ ٸسكە قوسىلدى. بۇرىنعى جٷيەدە بٸر بالا بٸرنەشە ٷيٸرمەگە قاتىسا السا, ەندٸ باسىمدىق ەلەۋمەتتٸك وسال توپتارعا بەرٸلەدٸ. بۇل جاڭاشىلدىق اتا-انالار مەن بالالارعا قالاي ەسەر ەتەدٸ? قانداي ٶزگەرٸستەر بار? وسى سۇراقتار تٶڭٸرەگٸندە استانا قالالىق بٸلٸم باسقارماسىنىڭ باسشىسى قاسىمجان سەنعازىەۆ ايتىپ بەردٸ,- دەپ حابارلايدى Dalanews.kz
2021 جىلى مەملەكەت باسشىسىنىڭ تاپسىرماسىنا سەيكەس ەلٸمٸزدە ۆاۋچەرلٸك قارجىلاندىرۋ جٷيەسٸ ٸسكە قوسىلعان بولاتىن.
"بۇل جٷيە ارقىلى ەر بالا شىعارشىلىق ٷيٸرمەگە بولسىن, سپورت سەكتسيياسىنا نەمەسە باسقا دا ٷيٸرمەگە بولسىن قاتىسقىسى كەلسە, قوسىمشا بٸلٸمدٸ مەملەكەت ەسەبٸنەن الا الادى. الايدا تەجٸريبە بارىسىندا ەدٸلەتسٸزدٸك ورىن الدى: بٸر بالا بٸرنەشە باعىتتان ۆاۋچەر السا, كەيبٸر ەلەۋمەتتٸك وسال وتباسىلار مٷلدە قامتىلمادى. سونىمەن قاتار ەر باسقارما – سپورت, مەدەنيەت, بٸلٸم – ٶز كەزەكتەرٸن جٷرگٸزٸپ, اتا-انالار اراسىندا تٷسٸنٸسپەۋشٸلٸك تۋىندادى", - دەيدٸ مامان.
قاسىمجان سەنعازىەۆ وسى ولقىلىقتاردى جويۋ ٷشٸن ناقتى ٶزگەرٸستەر ەنگٸزٸلگەنٸن مەلٸمدەدٸ.
"ەڭ باستى ٶزگەرٸس – ۆاۋچەر ەندٸ ۇيىمعا ەمەس, ناقتى بالاعا بەرٸلەدٸ. «بٸر بالا – بٸر ۆاۋچەر» قاعيداتى ەنگٸزٸلدٸ. سونىمەن قاتار بٸز ەلەۋمەتتٸك ەدٸلدٸكتٸ باستى ورىنعا قويدىق: بالا كەزەككە تۇرعان كەزدە ونىڭ ەلەۋمەتتٸك مەرتەبەسٸنە بايلانىستى كوەففيتسيەنت ەسەپتەلەدٸ. بٸز بالالاردى 12 ساناتقا بٶلدٸك. مەسەلەن, ەرەكشە بٸلٸمدٸ قاجەت ەتەتٸن بالالارعا كوەففيتسيەنت – 5, جەتٸم نەمەسە مٷگەدەك اتا-اناسى بار بالالارعا – 3–4, كٶپبالالى وتباسى بالالارىنا – 2. ال قالعاندارعا – 1. مىسالى, كٶپبالالى وتباسىنان شىققان بالا جٷيەگە كەيٸن تٸركەلسە دە, ەلەۋمەتتٸك جاعدايى ەسكەرٸلٸپ, كەزەكتە العا شىعادى", - دەيدٸ ول.
وسى پلاتفورما جايىندا اتا-انالار مەن ۇيىمداردى اقپاراتتاندىرۋ ٷشٸن استانا قالاسىنىڭ ەكٸمدٸگٸ جاۋاپتى ماماندار مەن تەحنيكالىق ماماندار ارقىلى بٸرقاتار تٷسٸندٸرۋ جۇمىستارى مەن وقىتۋ سەمينارلارىن ٶتكٸزدٸ.
"بٸز QOSYMSHA.KZ پلاتفورماسىن جەتٸلدٸردٸك, جەكە كابينەتتەر ەنگٸزدٸك. اتا-انالار بالانىڭ مەرتەبەسٸن ەنگٸزٸپ, كەزەككە تۇرا الادى, ۇيىمدى ٶزدەرٸ تاڭدايدى. جەنە اي سايىن بالا قاتىسقان كٷندەر بويىنشا راستاۋ جاساپ وتىرادى – بۇل قارجىنى ەدٸل بٶلۋگە مٷمكٸندٸك بەرەدٸ", - دەيدٸ مامان.
استانا قالالىق بٸلٸم باسقارماسىنىڭ باسشىسى قاسىمجان سەنعازىەۆ جاڭارتىلعان جٷيەنٸڭ باستى ارتىقشىلىقتارا توقتالدى.
"ەڭ الدىمەن – ەدٸلدٸك. جٷيە ەلەۋمەتتٸك وسال توپقا باسىمدىق بەرەدٸ. ەكٸنشٸدەن – اشىقتىق: اتا-انا ٶزٸ تاڭدايدى, ٶزٸ راستايدى. ٷشٸنشٸدەن – قولجەتٸمدٸلٸك: ەرەكشە بٸلٸمدٸ قاجەت ەتەتٸن بالالارعا العاش رەت تولىق مٷمكٸندٸك بەرٸلٸپ وتىر. بۇل – بٸز ٷشٸن ٶتە ماڭىزدى قادام. قوسىمشا بٸلٸم – جاي ٷيٸرمە ەمەس, بالانىڭ ەلەۋەتٸن اشاتىن, ٶمٸرلٸك داعدىلارىن قالىپتاستىراتىن كەڭٸستٸك. بۇل جٷيە ارقىلى بٸز بارلىق بالاعا ٶز جولىن تابۋعا مٷمكٸندٸك بەرەمٸز", - دەدٸ ول.
