بٷگٸنگٸ ساعات 15:30-داعى جاعداي بويىنشا, KASE-دە اقش دوللارى ٶسٸمٸن جالعاستىرىپ, بٸر تەۋلٸكتە ٷستٸنە تاعى 2,79 تەڭگە قوسىپ الدى. وسىلايشا شەتەل ۆاليۋتاسىنىڭ ورتاشا باعامى 544,87 تەڭگەگە جەتتٸ. بۇل رەتتەگٸ باعا ٶسٸمٸ وسى اپتا بويىندا كٷندەلٸكتٸ ورىن الدى. مەسەلەن, 21 شٸلدەدەن باستاپ بيرجادا 1 اقش دوللارىنىڭ قۇنىنا 15 تەڭگە ٷستەمەلەندٸ (529,44 تەڭگەدەن 544,87 تەڭگەگە دەيٸن). ەۋرو دا امەريكالىق ەرٸپتەسٸنەن ەش قالىسىپ جاتقان جوق, وسى اپتادا ول 22 تەڭگەگە قىمباتتاپ, ورتاشا باعامى 639,18 تەڭگەنٸ قۇرادى, دەپ حابارلايدى Dalanews.kz.
Kurs.kz مەلٸمەتٸنشە, بٷگٸن اقشا ايىرباس ورىندارىندا 1 اقش دوللارى 540-541 تەڭگەدەن ساتىپ الىنىپ, 547-548 تەڭگەدەن ساتىلۋدا. 1 ەۆرو 632-633 تەڭگەدەن ساتىپ الىنىپ, 639-645 تەڭگە ارالىعىندا ساۋدالانۋدا.
"ۆاليۋتا نارىعىندا "باعا جارىسى" توقتاپ, اپتىق باسىلعان سىڭايلى. 1 اقش دوللارىنىڭ قۇنى 544 تەڭگە ماڭايىنا شوعىرلانۋدا. بۇل قارقىننىڭ باياۋلاپ, نارىقتىڭ جاڭا دەڭگەيدٸ بەلگٸلەۋ ەرەكەتٸن تانىتادى. ٸرٸ وفەرتالار (ۇسىنىس) ٶسٸمدٸ شەكتەيدٸ, بٸراق سۇرانىس ساقتالىپ تۇر. قازٸرگٸ سەتتە تەپە-تەڭدٸك باسىم, بٸراق نارىق كٶلەمدٸ ٶتٸنٸمدەرگە قاتىستى سەزٸمتال كٷيدە, سوندىقتان بۇرق ەتكەن كەز-كەلگەن قىزىعۋشىلىق باعانى قايتادان ٶرگە قاراي سٷيرەلەي الا جٶنەلۋٸ مٷمكٸن. ال, ەزٸرگە 544,30 تەڭگە جەنە 544,69 تەڭگە وسى ۋاقىتتا سٷيەنۋگە بولاتىن باعدار بولىپ تۇر", - دەپ جازادى "كوممەنتاريي" Telegram-ارناسىندا ەكونوميست ەلدار شامسۋتدينوۆ.
بۇعان دەيٸن مۇناي سالاسىنىڭ مامانى ولجاس بايدٸلدينوۆ جەلٸدەگٸ پاراقشاسىندا تەڭگە باعامىنا قاتىستى كٶكتەمدەگٸ بولجامى ايداي كەلگەنٸن ايتىپ, جازبا جارييالاعان بولاتىن.
