الماتىدا قالا ەكٸمٸ دارحان ساتىبالدىنىڭ تٶراعالىعىمەن «تازا قازاقستان» جالپىرەسپۋبليكالىق ەكولوگييالىق ناۋقانىن جٷزەگە اسىرۋ مەسەلەسٸ بويىنشا كەڭەيتٸلگەن كەڭەس ٶتتٸ. جيىندا اتقارىلعان جۇمىستاردىڭ نەتيجەلەرٸ, ۆەدومستۆوارالىق ٶزارا ٸس-قيمىلدىڭ تيٸمدٸلٸگٸ جەنە الداعى ۋاقىتتاعى باسىم باعىتتار, سونىڭ ٸشٸندە تۇرعىنداردى ەكولوگييالىق اكتسييالارعا تارتۋ مەسەلەلەرٸ تالقىلاندى,- دەپ حابارلايدى Dalanews.kz
جاستاردىڭ ەكولوگييالىق باستامالارعا كٶپتەپ قاتىسۋىنا ەرەكشە نازار اۋدارىلدى. قالا باسشىسى اتاپ ٶتكەندەي, دەل وسى بۋىن قالاداعى قورشاعان ورتاعا جاۋاپكەرشٸلٸكپەن قاراۋ مەن تۇراقتى تازالىق مەدەنيەتٸن قالىپتاستىرۋدا شەشۋشٸ رٶل اتقارادى.
ايتا كەتەيٸك, الماتىدا جاستاردى تارتۋ ماقساتىندا ەڭبەك جاساقتارى, ەرٸكتٸلەر قوزعالىسى, «جاسىل ەل», «ەكورەيندجەرلەر» جوبالارى, ستۋدەنتتٸك قاۋىمداستىقتار مەن كوميۋنيتي-ورتالىقتار قالا ەكٸمدٸگٸنٸڭ جوبالىق كەڭسەسٸنٸڭ قولداۋىمەن بەلسەندٸ جۇمىس ٸستەپ جاتىر.
«جاسىل ەل» اياسىندا 2 مىڭنان استام جاس سەنبٸلٸكتەر مەن تانىمدىق ٸس-شارالارعا قاتىستى. 144 000 جاسىل جاسىل جەلەك تەكسەرٸلٸپ, 35 رۇقساتسىز قوقىس الاڭى انىقتالدى. كوميۋنيتي-ورتالىقتار شاعىن ەكوحابتار رەتٸندە جۇمىس ٸستەپ, تۇراقتى تۇتىنۋ مەدەنيەتٸ مەن رەسۋرستاردى ۇقىپتى پايدالانۋ ەدەتٸن قالىپتاستىرىپ وتىر. بۇل باستامالارعا 15 مىڭنان استام الماتىلىق جاس قامتىلعان.
«تازا قازاقستان» اكتسيياسى باستالعالى الماتىدا 170-تەن استام ٸس-شارا ۇيىمداستىرىلىپ, 35 مىڭنان استام ادامدى قامتىدى. قالا تۇرعىندارى سەنبٸلٸكتەرگە, ەكولوگييالىق رەيدتەرگە جەنە ٶزگە دە جوبالارعا بەلسەندٸ قاتىسىپ كەلەدٸ.
سونىمەن قاتار كەرٸ بايلانىس ٷشٸن تسيفرلىق قۇرالدار ٸسكە اسىرىلۋدا. بيىل شٸلدەدە TazaQazBot پلاتفورماسى ارقىلى قالا تۇرعىندارىنان 305 ٶتٸنٸش تٷستٸ. ولاردىڭ باسىم بٶلٸگٸ شەشٸمٸن تاپتى. قازٸر سانيتارلىق تازالاۋ, قوقىس شىعارۋ, اعاشتاردى كەسۋ مەن بۇتاۋ, سۋارۋ جٷيەلەرٸن قالپىنا كەلتٸرۋ جۇمىستارى جٷرگٸزٸلٸپ جاتىر. جاسىل قوردى باقىلاۋ جەنە پروبلەمالىق اۋماقتاردى رەتكە كەلتٸرۋ جۇمىستارى قاتار اتقارىلىپ وتىر.
دارحان ساتىبالدى «تازا قازاقستان» بٸر رەتتٸك اكتسييا ەمەس, جاڭا قالا مەدەنيەتٸن قالىپتاستىرۋعا باعىتتالعان جٷيەلٸ جۇمىس ەكەنٸن اتاپ ٶتتٸ. جيىن قورىتىندىسى بويىنشا الماتى ەكٸمٸ جاستاردىڭ اتسالىسۋىن كٷشەيتۋدٸ, كرەاتيۆتٸ فورماتتار مەن تسيفرلىق باستامالاردى قولداۋدى, اۋماقتاردىڭ سانيتارلىق جاعدايىنا تۇراقتى مونيتورينگ جٷرگٸزۋدٸ جەنە حالىق اراسىندا TazaQazBot پلاتفورماسىنىڭ قولدانىس اياسىن كەڭەيتۋدٸ تاپسىردى.
