Almatyda qala ákimi Darhan Satybaldynyń tóraǵalyǵymen «Taza Qazaqstan» jalpyrespýblikalyq ekologiialyq naýqanyn júzege asyrý máselesi boiynsha keńeitilgen keńes ótti. Jiynda atqarylǵan jumystardyń nátijeleri, vedomstvoaralyq ózara is-qimyldyń tiimdiligi jáne aldaǵy ýaqyttaǵy basym baǵyttar, sonyń ishinde turǵyndardy ekologiialyq aktsiialarǵa tartý máseleleri talqylandy,- dep habarlaidy Dalanews.kz
Jastardyń ekologiialyq bastamalarǵa kóptep qatysýyna erekshe nazar aýdaryldy. Qala basshysy atap ótkendei, dál osy býyn qaladaǵy qorshaǵan ortaǵa jaýapkershilikpen qaraý men turaqty tazalyq mádenietin qalyptastyrýda sheshýshi ról atqarady.
Aita keteiik, Almatyda jastardy tartý maqsatynda eńbek jasaqtary, eriktiler qozǵalysy, «Jasyl el», «Ekoreindjerler» jobalary, stýdenttik qaýymdastyqtar men komiýniti-ortalyqtar qala ákimdiginiń jobalyq keńsesiniń qoldaýymen belsendi jumys istep jatyr.
«Jasyl el» aiasynda 2 myńnan astam jas senbilikter men tanymdyq is-sharalarǵa qatysty. 144 000 jasyl jasyl jelek tekserilip, 35 ruqsatsyz qoqys alańy anyqtaldy. Komiýniti-ortalyqtar shaǵyn ekohabtar retinde jumys istep, turaqty tutyný mádenieti men resýrstardy uqypty paidalaný ádetin qalyptastyryp otyr. Bul bastamalarǵa 15 myńnan astam almatylyq jas qamtylǵan.
«Taza Qazaqstan» aktsiiasy bastalǵaly Almatyda 170-ten astam is-shara uiymdastyrylyp, 35 myńnan astam adamdy qamtydy. Qala turǵyndary senbilikterge, ekologiialyq reidterge jáne ózge de jobalarǵa belsendi qatysyp keledi.
Sonymen qatar keri bailanys úshin tsifrlyq quraldar iske asyrylýda. Biyl shildede TazaQazBot platformasy arqyly qala turǵyndarynan 305 ótinish tústi. Olardyń basym bóligi sheshimin tapty. Qazir sanitarlyq tazalaý, qoqys shyǵarý, aǵashtardy kesý men butaý, sýarý júielerin qalpyna keltirý jumystary júrgizilip jatyr. Jasyl qordy baqylaý jáne problemalyq aýmaqtardy retke keltirý jumystary qatar atqarylyp otyr.
Darhan Satybaldy «Taza Qazaqstan» bir rettik aktsiia emes, jańa qala mádenietin qalyptastyrýǵa baǵyttalǵan júieli jumys ekenin atap ótti. Jiyn qorytyndysy boiynsha Almaty ákimi jastardyń atsalysýyn kúsheitýdi, kreativti formattar men tsifrlyq bastamalardy qoldaýdy, aýmaqtardyń sanitarlyq jaǵdaiyna turaqty monitoring júrgizýdi jáne halyq arasynda TazaQazBot platformasynyń qoldanys aiasyn keńeitýdi tapsyrdy.
