"روساتوم" باسپا ءسوز قىزمەتى لوندون سالعان سانكسيالارعا قاتىستى تۇسىنىكتەمە بەردى، دەپ حابارلايدى Dalanews.kz.
"روساتوم" كەز كەلگەن ءبىرجاقتى شەكتەۋلەردى حالىقارالىق قۇقىق تۇرعىسىنان زاڭسىز دەپ ەسەپتەيدى. بەيبىت اتوم سالاسىنداعى ىنتىماقتاستىقتىڭ باسىم باعىتى – قاۋىپسىزدىك، ال مۇنداي شارالار وسى نەگىزگى قاعيداتقا كەرى اسەرىن تيگىزەدى.
"روساتوم" اتوم ەنەرگەتيكاسى سالاسىنداعى ءسوزسىز الەمدىك كوشباسشى بولىپ تابىلادى جانە جەكەلەگەن مەملەكەتتەردىڭ ءبىرجاقتى ءارى لەگيتيمدى ەمەس شەشىمدەرى بۇل مارتەبەگە نۇقسان كەلتىرە المايدى. مەملەكەتتىك كورپوراسيا شەتەلدەگى بارلىق جوبالارى بويىنشا مىندەتتەمەلەرىن ورىنداۋدى جالعاستىرۋدا: ءبىز شەتەلدە اتوم ەلەكتر ستانسيالارىن سالۋ بويىنشا الەمدە ءبىرىنشى ورىندامىز، نارىقتاعى ۇلەسىمىز – 90%. سونداي-اق يادرولىق وتىن ونىمدەرى نارىعىنىڭ نەگىزگى قاتىسۋشىسىمىز. ءبىز سەرىكتەستەرمەن بىرلەسىپ يادرولىق مەديسينا جانە باسقا دا جوعارى تەحنولوگيالىق سالالاردا جوبالاردى ىسكە اسىرۋدامىز، 60-تان استام ەلمەن ىنتىماقتاستىق ورناتقانبىز جانە ولار ءۇشىن سەنىمدى ارىپتەس بولىپ قالا بەرەمىز"، - دەيدى كومپانيا وكىلدەرى.
ەسكە سالايىق،قازاقستانداعى اەس جوباسىنا جاۋاپتى «روساتوم» بولىمشەلەرىنە سانكسيا سالىنعان بولاتىن.
ۇلىبريتانيا رەسەيدىڭ مەملەكەتتىك «روساتوم» كونسەرنىنىڭ ازاماتتىق باعىتتاعى ءۇش ەنشىلەس كومپانياسىنا اتوم سالاسىنداعى حالىقارالىق جوبالار پورتفەلىن كەڭەيتۋگە قاتىسى بار دەگەن سەبەپپەن سانكسيا ەنگىزدى.
