كەيىنگى جىلدارى قازاقستانداعى بانكتەردىڭ تازا پايداسى شامامەن ءتورت ەسە ارتقان. بۇل تۋرالى Factcheck باسىلىمىنىڭ الاڭىندا ەكونوميست راحىمبەك ءابدىراحمانوۆ جازدى، دەپ حابارلايدى Dalanews.kz.
ساراپشىنىڭ مالىمەتىنشە، 2019 جىلى بانك سەكتورىنىڭ تازا پايداسى 746 ملرد تەڭگەنى قۇراسا، 2026 جىلدىڭ باسىنا قاراي بۇل كورسەتكىش 2،7 ترلن تەڭگەگە جەتكەن.
ەكونوميست بانك جۇيەسىنىڭ تابىسى رەكوردتىق دەڭگەيگە كوتەرىلگەنىن اتاپ ءوتتى. سونىمەن قاتار ول نەسيەلەۋدىڭ قارقىندى ءوسىپ جاتقانىن، ءبىراق بۇل ءوسىم نەگىزىنەن بيزنەستى قارجىلاندىرۋ ەسەبىنەن ەمەس، تۇتىنۋشىلىق قارىزدار ارقىلى قامتاماسىز ەتىلىپ وتىرعانىن ايتتى.
“قازاقستاننىڭ بانك سەكتورى جوعارى تابىستىلىق كورسەتىپ، نەسيەلەۋ كولەمىن جەدەل ۇلعايتىپ كەلەدى. الايدا بۇل مودەل بارعان سايىن تۇتىنۋشىلىق نەسيەلەرگە سۇيەنىپ وتىر. بۇل قۇرىلىمدىق تەڭگەرىمسىزدىك تۋعىزىپ، ۇزاقمەرزىمدى تاۋەكەلدەردى كۇشەيتەدى”، - دەپ جازادى راحىمبەك ءابدىراحمانوۆ.
ونىڭ پىكىرىنشە، دامىعان ەلدەردە بانكتەر ينۆەستيسيالىق ۇدەرىسكە تەرەڭ كىرىگىپ، كورپوراتيۆتىك سەكتوردى بەلسەندى قارجىلاندىرادى. ال قازاقستاندا ەكىنشى دەڭگەيلى بانكتەر كوبىنە ىشكى تۇتىنۋدى ىنتالاندىرۋعا باسىمدىق بەرىپ وتىر.
