Keiingi jyldary Qazaqstandaǵy bankterdiń taza paidasy shamamen tórt ese artqan. Bul týraly Factcheck basylymynyń alańynda ekonomist Rahymbek Ábdirahmanov jazdy, dep habarlaidy Dalanews.kz.
Sarapshynyń málimetinshe, 2019 jyly bank sektorynyń taza paidasy 746 mlrd teńgeni qurasa, 2026 jyldyń basyna qarai bul kórsetkish 2,7 trln teńgege jetken.
Ekonomist bank júiesiniń tabysy rekordtyq deńgeige kóterilgenin atap ótti. Sonymen qatar ol nesieleýdiń qarqyndy ósip jatqanyn, biraq bul ósim negizinen biznesti qarjylandyrý esebinen emes, tutynýshylyq qaryzdar arqyly qamtamasyz etilip otyrǵanyn aitty.
“Qazaqstannyń bank sektory joǵary tabystylyq kórsetip, nesieleý kólemin jedel ulǵaityp keledi. Alaida bul model barǵan saiyn tutynýshylyq nesielerge súienip otyr. Bul qurylymdyq teńgerimsizdik týǵyzyp, uzaqmerzimdi táýekelderdi kúsheitedi”, - dep jazady Rahymbek Ábdirahmanov.
Onyń pikirinshe, damyǵan elderde bankter investitsiialyq úderiske tereń kirigip, korporativtik sektordy belsendi qarjylandyrady. Al Qazaqstanda ekinshi deńgeili bankter kóbine ishki tutynýdy yntalandyrýǵa basymdyq berip otyr.
