الماتىدا قوعام بەلسەندىسى ورازالى ەرجانوۆ ۇستالدى دەگەن اقپارات تارادى، دەپ حابارلايدى Dalanews.kz.
الماتى پوليسيا دەپارتامەنتىنىڭ باسپا ءسوز قىزمەتى مالىمەتىنشە، الەۋمەتتىك جەلىلەردە شەتەلدىك يۋريسديكسيادا تىركەلگەن بايلانىس نومىرلەرىن پايدالانۋ ارقىلى شىندىققا سايكەس كەلمەيتىن اقپارات، رەفەرەندۋمعا بويكوت جاساۋعا شاقىرۋ جانە ازاماتتاردى جاڭىلىستىرۋعا باعىتتالعان وزگە دە مالىمەت جاريالانعانى انىقتالعان.
"بۇل دەرەك بويىنشا سايلاۋ قۇقىقتارىن جۇزەگە اسىرۋعا كەدەرگى كەلتىرۋ دەرەگى نەگىزىندە قىلمىستىق ءىس قوزعالدى. كۇدىكتى رەتىندە الماتى قالاسىنىڭ تۇرعىنى ۇستالدى. ونىڭ ارەكەتىنە تۇپكىلىكتى قۇقىقتىق باعا تەرگەۋ ناتيجەسىندە بەرىلەدى"، - دەدى پوليسيا.
ايتا كەتەيىك، ورازالى ەرجانوۆ - Elge Qaitaru قوعامدىق قورىنىڭ قۇرىلتايشىسى ءارى جەتەكشىسى. بۇل قور شەتەلگە زاڭسىز شىعارىلعان اكتيۆتەردى ەلگە قايتارۋعا جاردەمدەسۋمەن اينالىسادى.
ورازالى ەرجانوۆ ءار جىلدارى قازاقستان ۇلتتىق بانكى ءتوراعاسىنىڭ ورىنباسارى، قارجى ۆيسە-مينيسترى، "قازپوشتا" اق باسقارما ءتوراعاسى، حالىق بانكى ءتوراعاسىنىڭ ورىنباسارى، KEGOC ۆيسە-پرەزيدەنتى، سونداي-اق، "ناۋرىز بانكىنىڭ" باسقارما ءتوراعاسى قىزمەتىن اتقارعان.
