Almatyda qoǵam belsendisi Orazaly Erjanov ustaldy degen aqparat tarady, dep habarlaidy Dalanews.kz.
Almaty Politsiia departamentiniń baspasóz qyzmeti málimetinshe, áleýmettik jelilerde sheteldik iýrisdiktsiiada tirkelgen bailanys nómirlerin paidalaný arqyly shyndyqqa sáikes kelmeitin aqparat, referendýmǵa boikot jasaýǵa shaqyrý jáne azamattardy jańylystyrýǵa baǵyttalǵan ózge de málimet jariialanǵany anyqtalǵan.
"Bul derek boiynsha sailaý quqyqtaryn júzege asyrýǵa kedergi keltirý deregi negizinde qylmystyq is qozǵaldy. Kúdikti retinde Almaty qalasynyń turǵyny ustaldy. Onyń áreketine túpkilikti quqyqtyq baǵa tergeý nátijesinde beriledi", - dedi politsiia.
Aita keteiik, Orazaly Erjanov - Elge Qaitaru qoǵamdyq qorynyń quryltaishysy ári jetekshisi. Bul qor shetelge zańsyz shyǵarylǵan aktivterdi elge qaitarýǵa járdemdesýmen ainalysady.
Orazaly Erjanov ár jyldary Qazaqstan Ulttyq banki tóraǵasynyń orynbasary, qarjy vitse-ministri, "Qazposhta" AQ basqarma tóraǵasy, Halyq banki tóraǵasynyń orynbasary, KEGOC vitse-prezidenti, sondai-aq, "Naýryz bankiniń" basqarma tóraǵasy qyzmetin atqarǵan.
