جاڭا سالىق كودەكسٸن ەنگٸزۋ اياسىندا قوسىلعان قۇن سالىعىن (ققس) تٷزەتۋ نورمالارىن قولدانۋ مەسەلەلەرٸ قارالدى, دەپ حابارلايدى Dala news.
ۇلتتىق ەكونوميكا مينيسترلٸگٸنٸڭ مەلٸمەتٸنشە, سالىق كودەكسٸن ەنگٸزۋ جٶنٸندەگٸ جوبالىق كەڭسە وتىرىستارىنىڭ بٸرٸندە اۋىل شارۋاشىلىعى شيكٸزاتىن قايتا ٶڭدەۋ نەتيجەسٸندە الىنعان ٶنٸم بويىنشا ەسەپكە جاتقىزىلاتىن ققس-تىڭ 80 پايىزىن تٷزەتۋگە قاتىستى نورما تالقىلانعان. بۇل تالاپ كودەكستٸڭ 484-بابى 2-تارماعىنىڭ 7) تارماقشاسى جەنە 5-تارماعىندا كٶزدەلگەن.
ۆەدومستۆو تٷسٸندٸرگەندەي, «اگروٶنەركەسٸپتٸك كەشەن مەن اۋىلدىق اۋماقتاردى دامىتۋدى مەملەكەتتٸك رەتتەۋ تۋرالى» زاڭ نورمالارى ەسكەرٸلگەن جاعدايدا, قايتا ٶڭدەلگەن ٶنٸمدٸ ەكسپورتتاۋ كەزٸندە اتالعان تٷزەتۋ قولدانىلمايدى.
اتاپ ايتقاندا, اۋىل شارۋاشىلىعى شيكٸزاتىن قايتا ٶڭدەۋ ٶنٸمٸنە جاتاتىن ۇن ەكسپورتتالعان كەزدە ققس قايتارۋ سالىق زاڭناماسىنىڭ تالاپتارى ساقتالعان جاعدايدا جالپى بەلگٸلەنگەن تەرتٸپپەن جەنە تولىق كٶلەمدە جٷزەگە اسىرىلادى.
وسىلايشا, جاڭا سالىق كودەكسٸ ٶڭدەلگەن اۋىل شارۋاشىلىعى ٶنٸمدەرٸنە قاتىستى بۇرىن قولدانىستا بولعان سالىق سالۋ تەرتٸبٸن ساقتايدى.
