Jańa Salyq kodeksin engizý aiasynda qosylǵan qun salyǵyn (QQS) túzetý normalaryn qoldaný máseleleri qaraldy, dep habarlaidy Dala news.
Ulttyq ekonomika ministrliginiń málimetinshe, Salyq kodeksin engizý jónindegi jobalyq keńse otyrystarynyń birinde aýyl sharýashylyǵy shikizatyn qaita óńdeý nátijesinde alynǵan ónim boiynsha esepke jatqyzylatyn QQS-tyń 80 paiyzyn túzetýge qatysty norma talqylanǵan. Bul talap Kodekstiń 484-baby 2-tarmaǵynyń 7) tarmaqshasy jáne 5-tarmaǵynda kózdelgen.
Vedomstvo túsindirgendei, «Agroónerkásiptik keshen men aýyldyq aýmaqtardy damytýdy memlekettik retteý týraly» zań normalary eskerilgen jaǵdaida, qaita óńdelgen ónimdi eksporttaý kezinde atalǵan túzetý qoldanylmaidy.
Atap aitqanda, aýyl sharýashylyǵy shikizatyn qaita óńdeý ónimine jatatyn un eksporttalǵan kezde QQS qaitarý salyq zańnamasynyń talaptary saqtalǵan jaǵdaida jalpy belgilengen tártippen jáne tolyq kólemde júzege asyrylady.
Osylaisha, jańa Salyq kodeksi óńdelgen aýyl sharýashylyǵy ónimderine qatysty buryn qoldanysta bolǵan salyq salý tártibin saqtaidy.
