الماتى قالاسىنىڭ المالى اۋدانى پروكۋراتۋراسى قازاقستاندىق جولداسبەك تەمىرعالييەۆءتى Threads الەۋمەتتىك جەلىسىندە جاڭا كونستيتۋسيا جوباسىنا قاتىستى ساۋالناما جاريالاعانى ءۇشىن 15 اەك (64 875 تەڭگە) كولەمىندە ايىپپۇل سالدى، دەپ حابارلايدى Dalanews.kz.
تەمىرعالييەۆ جۇرگىزگەن ساۋالناماعا 2880 قولدانۋشىنى قاتىسقان. وسىدان كەيىن ول اكىمشىلىك قۇقىق بۇزۋشىلىق تۋرالى كودەكستىڭ 120-بابىنىڭ 3-بولىگى بويىنشا، زاڭ تالاپتارىن ساقتاماي قوعامدىق پىكىرگە ساۋالناما جۇرگىزگەنى ءۇشىن جاۋاپقا تارتىلدى. ايىپپۇل سالىنعان سوڭ جاريالانىم وشىرىلگەن.
تەمىرعالييەۆتىڭ ايتۋىنشا، ول بۇل داۋىس بەرۋدى بۇعان دەيىن جاريالانعان دەرەكتەرمەن سالىستىرۋ ءۇشىن باستاعان. اتالعان دەرەكتەردە تەلەفون ارقىلى جۇرگىزىلگەن زەرتتەۋ ناتيجەسىندە (1200 رەسپوندەنت قامتىلعان) كونستيتۋسيالىق تۇزەتۋلەردى 78% قولدايدى دەگەن كورسەتكىش كەلتىرىلگەن.
قولدانىستاعى زاڭناماعا سايكەس، رەفەرەندۋم تاقىرىبى بويىنشا ساۋالنامانى تەك قازاقستاندا تىركەلگەن، كەمىندە 5 جىلدىق الەۋمەتتىك زەرتتەۋ تاجىريبەسى بار زاڭدى تۇلعالار عانا جۇرگىزە الادى. سونىمەن قاتار مۇنداي زەرتتەۋ ورتالىق رەفەرەندۋم كوميسسياسىنا الدىن الا حابارلانۋى ءتيىس.
