Almaty qalasynyń Almaly aýdany prokýratýrasy qazaqstandyq Joldasbek Temirǵalievti Threads áleýmettik jelisinde jańa Konstitýtsiia jobasyna qatysty saýalnama jariialaǵany úshin 15 AEK (64 875 teńge) kóleminde aiyppul saldy, dep habarlaidy Dalanews.kz.
Temirǵaliev júrgizgen saýalnamaǵa 2880 qoldanýshyny qatysqan. Osydan keiin ol Ákimshilik quqyq buzýshylyq týraly kodekstiń 120-babynyń 3-bóligi boiynsha, zań talaptaryn saqtamai qoǵamdyq pikirge saýalnama júrgizgeni úshin jaýapqa tartyldy. Aiyppul salynǵan soń jariialanym óshirilgen.
Temirǵalievtiń aitýynsha, ol bul daýys berýdi buǵan deiin jariialanǵan derektermen salystyrý úshin bastaǵan. Atalǵan derekterde telefon arqyly júrgizilgen zertteý nátijesinde (1200 respondent qamtylǵan) konstitýtsiialyq túzetýlerdi 78% qoldaidy degen kórsetkish keltirilgen.
Qoldanystaǵy zańnamaǵa sáikes, referendým taqyryby boiynsha saýalnamany tek Qazaqstanda tirkelgen, keminde 5 jyldyq áleýmettik zertteý tájiribesi bar zańdy tulǵalar ǵana júrgize alady. Sonymen qatar mundai zertteý Ortalyq referendým komissiiasyna aldyn ala habarlanýy tiis.
