قازاقستان قىتاي جەنە ٶزبەكستانمەن سۋ رەسۋرستارىن دامىتۋ تۋرالى كەلٸسٸمدەرگە قول قويادى. بۇل تۋرالى ٷكٸمەت وتىرىسىندا سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ مەلٸمدەدٸ, - دەپ حابارلايدى Dalanews.kz.
مينيستر قۇجاتتارعا قول قويۋ مەملەكەتارالىق سۋ قاتىناستارىن دامىتۋ ٷشٸن قاجەت ەكەنٸن ايتتى.
"قازاقستان مەن ٶزبەكستان ٷكٸمەتتەرٸ اراسىندا ترانسشەكارالىق سۋ نىساندارىن بٸرلەسٸپ باسقارۋ جەنە پايدالانۋ تۋرالى, قازاقستان مەن قىتاي اراسىنداعى ترانسشەكارالىق ٶزەندەردە سۋ بٶلۋ تۋرالى كەلٸسٸمدەرگە قول قويۋ جوسپارلاندى", - دەدٸ نۇرجٸگٸتوۆ.
نۇرجان نۇرجٸگٸتوۆ "حالىقارالىق سۋ اعىندارىن ناۆيگاتسييالىق ەمەس پايدالانۋ قۇقىعى تۋرالى كونۆەنتسييانى راتيفيكاتسييالاۋ تۋرالى" زاڭ جوباسى سەناتتىڭ قاراۋىنا جٸبەرٸلگەنٸن جەتكٸزدٸ.
"كونۆەنتسييا بٷكٸل ەلەم بويىنشا ترانسشەكارالىق ٶزەندەردٸ, كٶلدەردٸ جەنە ولارعا بايلانىستى جەر استى سۋلارىن ەدٸل جەنە تۇراقتى باسقارۋعا جەردەمدەسۋدٸڭ جاھاندىق قۇقىقتىق مەحانيزمٸن بٸلدٸرەدٸ. كونۆەنتسيياعا 37 ەل تاراپ بولىپ وتىر. ال قازاقستانمەن شەكتەس مەملەكەتتەر ٸشٸنەن كونۆەنتسييا تارابى تەك ٶزبەكستان", - دەدٸ مينيسترلٸك باسشىسى.
