ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ «سوتقا دەيىنگى تەرگەپ-تەكسەرۋلەردىڭ ءبىرىڭعاي ءتىزىلىمى» اۆتوماتتاندىرىلعان «جاريا سەكتور» اقپاراتتىق جۇيەسى ىسكە قوسىلدى.

كۇندەلىكتى باسپا ءسوز بەتتەرىنەن جانە رەسمي اقپارات كوزدەرىنەن وقىپ تانىسىپ جۇرگەندەي بۇگىنگى تاڭدا بارلىق قىلمىستىق پروسەستەر سيفرلانۋ كەزەڭىن باسىنان وتكەرىپ جاتىر. بۇل دەگەنىمىز ق ر باس پروكۋراتۋراسىنىڭ قۇقىقتىق  ستاتيستيكا جانە ارنايى ەسەپكە الۋ جونىندەگى كوميتەتىنىڭ (بۇدان ارى-كوميتەت) ماڭىزدى باسىمدىقتارىنىڭ ءبىرى - اقپاراتتىق جۇيەلەردى ۇنەمى جاڭعىرتۋ، جەتىلدىرۋ جانە مەملەكەت باسشىسىنىڭ، باس پروكۋروردىڭ تاپسىرمالارىن ىسكە اسىرۋ جونىندەگى باعدارلامالىق قۇجاتتاردى ۋاقتىلى جانە ساپالى ورىنداۋ باستى مىندەتتەردىڭ ءبىرى بولىپ تابىلادى. قىلمىستىق سوت ءىسىن جۇرگىزۋدى سيفرلاندىرۋ قازاقستاننىڭ قىلمىستىق ساياساتىنىڭ ماڭىزدى باعىتىن بىلدىرەدى جانە ىڭعايلى قولجەتىمدىلىگىن قامتاماسىز ەتۋ ارقىلى قىلمىستىق پروسەستىڭ نەگىزگى قاعيداتتارىن – زاڭدىلىقتى، جاريالىلىقتى، جىلدامدىق پەن تولىقتىقتى ساقتاۋعا كەپىلدىك بەرەدى.

سوتقا دەيىنگى ءىس جۇرگىزۋدى تەرگەۋدىڭ ەلەكتروندىق فورماتىنا وتۋىنە بايلانىستى، كوميتەتتىڭ qamqor.gov.kz پورتالىندا سوتقا دەيىنگى تەرگەپ-تەكسەرۋلەردىڭ ءبىرىڭعاي ءتىزىلىمىنىڭ «جاريا سەكتورى» كىشى جۇيەسى ازىرلەندى، ول قىلمىستىق پروسەسكە قاتىسۋشىلارعا ەلەكتروندىق سوتقا دەيىنگى ءىس جۇرگىزۋ شەڭبەرىندە قىلمىستىق قۋدالاۋدى جۇزەگە اسىراتىن ورگاندارمەن قاشىقتان ءوزارا ءىس-قيمىل جاساۋعا مۇمكىندىك بەرەدى.

«جاريا سەكتورعا» قولجەتىمدىلىك شەكتەلگەن، ياعني سوتقا دەيىنگى ءىس جۇرگىزۋ جونىندەگى اقپاراتتى قاراۋ قىلمىستىق پروسەسكە قاتىسۋشىلارعا ءتيىستى پروسەستىك مارتەبەنى العان ساتتەن باستاپ، ونى سوتقا دەيىنگى تەرگەپ-تەكسەرۋدى جۇزەگە اسىراتىن تۇلعا راستاعاننان كەيىن عانا قازاقستان رەسپۋبليكاسىنىڭ قىلمىستىق-پروسەستىك كودەكسىندە (بۇدان ءارى-قر قپك) بەلگىلەگەن كولەمدە قولجەتىمدى بولادى.

بۇل كىشى جۇيەنىڭ ارتىقشىلىعى تومەندەگى ساتىلاردان وتەدى.                       

ول: -قىلمىستىق پروسەسكە قاتىسۋشىلارعا بارىنشا اقپارات بەرۋ؛

-پروسەسكە قاتىسۋشىلاردىڭ ءىس جۇرگىزۋ قۇجاتتارىن بەرۋ جانە الۋ مەرزىمدەرىن بارىنشا ازايتۋ؛

-سوتقا دەيىنگى تەرگەپ-تەكسەرۋ شەڭبەرىندە قۇجات اينالىمىنا شىعىنداردى قىسقارتۋ؛

-قىلمىستىق قۋدالاۋ ورگاندارىنىڭ قىزمەتكەرلەرىمەن تىكەلەي بايلانىسسىز، قىلمىستىق قۇقىق بۇزۋشىلىق تۋرالى ءوتىنىشتى جانە ءوتىنىشحاتتى ەلەكتروندىق نىساندا بەرۋ؛

-بۇرىن بەرىلگەن ءوتىنىشتىڭ نەمەسە ءوتىنىشحاتتىڭ مارتەبەسىن قاراۋ ناتيجەلەرى تۋرالى اقپارات الۋ؛

-قىلمىستىق قۋدالاۋ ورگاندارىنىڭ تەرگەۋشىسى نەمەسە انىقتاۋشىسى ءىس جۇرگىزۋ ماتەريالدارىمەن تانىسۋعا ءتيىستى قۇقىقتاردى بەرگەننەن كەيىن تانىسا الادى.

بۇل كىشى جۇيە قىلمىستىق پروسەسكە قاتىسۋشىعا (كۇدىكتى، قورعاۋعا قۇقىعى بار كۋا، ايىپتالۋشى، ولاردىڭ زاڭدى وكىلدەرى، قورعاۋشى، ازاماتتىق جاۋاپكەر، جابىرلەنۋشى، جەكە ايىپتاۋشى، ازاماتتىق تالاپكەر، ولاردىڭ زاڭدى وكىلدەرى مەن وكىلدەرى) qamqor.gov.kz پورتالىندا اقپاراتتىق قاۋىپسىزدىك جانە قۇپيالىلىق تالاپتارىن ساقتاي وتىرىپ، ينتەرنەت ارقىلى قولدا بار جانە باسقا سوتقا دەيىنگى تەرگەپ-تەكسەرۋلەردىڭ ءبىرىڭعاي ءتىزىلىمى قابىلدانعان ءىس جۇرگىزۋ شەشىمدەرى مەن مالىمەتتەرىنە قاشىقتان قول جەتكىزۋگە، وزىنە قاتىستى سوتقا دەيىنگى ءىس جۇرگىزۋ ماتەريالدارى تۋرالى نەمەسە ول قورعايتىن تۇلعا تۋرالى، ق ر قپك-نىڭ 13-تاراۋىندا كوزدەلگەن شاعىمدار مەن وتىنىشتەردى بەرۋ جانە ولارعا ەلەكتروندىق فورماتتا جاۋاپ الۋعا، سونىمەن بىرگە ق ر قپك-نىڭ 70-بابىنىڭ 5ء-شى تارماعى بويىنشا جەدەل-ىزدەستىرۋ جانە قارسى بارلاۋ ءىس-شارالارى، جاسىرىن تەرگەۋ ارەكەتتەرى تۋرالى دەرەكتەر قامتىلعان ءىس ماتەريالدارىن قوسپاعاندا، ىسكە كىرىسكەن كەزدەن باستاپ ءوزىنىڭ قورعاۋىنداعى ادامعا قاتىستى ءىستىڭ ماتەريالدارىمەن تۇگەلدەي تانىسۋعا مۇمكىندىك بەرەدى.

قازاقستان رەسپۋبليكاسى

باس پروكۋراتۋراسىنىڭ

قۇقىقتىق ستاتيستيكا جانە ارنايى ەسەپكە الۋ جونىندەگى

كوميتەتىنىڭ تۇركىستان وبلىسى

بويىنشا دەپارتامەنتى

#زاڭ_مەن_ءتارتىپ

#زاكون_ي_پوريادوك