ادىلەت مينيسترلىگىن باسقارعان مارات بەكەتايەۆ 9 جىلعا سوتتالدى، دەپ حابارلايدى Dalanews.kz.
بۇل تۋرالى انتيكوردىڭ رەسمي وكىلى دانيار بەكايداروۆ ايتتى.
"مارات بەكەتايەۆ مۇلكى تاركىلەنىپ، 9 جىلعا باس بوستاندىعىنان ايىرىلدى. بەكەتايەۆقا قاتىستى قىلمىستىق ءىس اسا ءىرى مولشەردە الاياقتىق جاساۋ جانە كاسىپكەرلىك قىزمەتكە زاڭسىز قاتىسۋ دەرەگى بويىنشا تىركەلدى. تەرگەۋ “قۇپيا” بەلگىسىمەن جۇرگەندىكتەن بارلىق ءىس ماتەريالدارى جاريا ەتۋگە جاتپايدى"، - دەيدى دانيار بەكايداروۆ.
ەسكە سالايىق، انتيكور ەكس-مينيستر مارات بەكەتايەۆتىڭ ءىسى 3 ناۋرىزدا سوتقا جىبەرىلگەنىن حابارلاعان ەدى.
"اگەنتتىك بۇرىنعى ادىلەت ءمينيسترى بەكەتايەۆقا جانە باسقا دا تۇلعالارعا قاتىستى الاياقتىق، اسا ءىرى كولەمدە قارجى جىمقىرۋ جانە كاسىپكەرلىك قىزمەتكە زاڭسىز قاتىسۋ فاكتىلەرى بويىنشا سوتقا دەيىنگى تەرگەۋدى اياقتادى. 3 ناۋرىزدا قىلمىستىق ءىس سوتقا جىبەرىلدى"، دەدى انتيكور.
ەسكە سالايىق، بۇعان دەيىن جوعارى اۋديتورلىق پالاتاسانىڭ ءتوراعاسى ءاليحان سمايىلوۆ بۇرىنعى ادىلەت ءمينيسترى مارات بەكەتايەۆتىڭ ىسىنە قاتىستى مالىمدەمە جاساعان ەدى.
ونىڭ سوزىنشە، جوعارى اۋديتورلىق پالاتاسى 2023 جىلى ادىلەت مينيسترلىگىندە تەكسەرىس جۇرگىزگەن.
"2023 جىلعى مەملەكەتتىك اۋديت وبەكتىلەرىنىڭ تىزبەسىنە سايكەس، جوعارى اۋديتورلىق پالاتاسى ادىلەت مينيسترلىگى مەن ونىڭ قۇرامىنداعى ۇيىمداردىڭ رەسپۋبليكالىق قارجىنى كەيبىر بيۋدجەتتىك باعدارلامالار بويىنشا قالاي قولدانعانىن تەكسەرۋ ءۇشىن اۋديتورلىق شارالار وتكىزىلدى. ءبىز شىعارعان شەشىم انتيكورعا بەرىلىپ، وسى ىسكە قاتىستى كەيبىر تۇلعالار ۇستالدى. ازىرگە باسقا نارسە ايتا المايمىن، سەبەبى قازىرگى تاڭدا ءىس انتيكوردىڭ باقىلاۋىندا"، - دەيدى ءاليحان سمايىلوۆ.
پالاتا ءتوراعاسى بەكەتايەۆتىڭ ناقتى نە ءۇشىن ۇستالعانىنان بەيحابار ەكەنىن، ءبىراق جوعارى اۋديتورلىق پالاتاسى تەكسەرىس جۇرگىزىپ، قورىتىندىسى انتيكورعا بەرىلگەنى فاكت ەكەنىن اتاپ ءوتتى.
بۇعان دەيىن جوعارى اۋديتورلىق پالاتاسى ادىلەت مينيسترلىگىندە جانە "بولاشاق" كونسالتينگتىك كومپانياسىنا قارسى تەكسەرۋ جۇرگىزگەنىن حابارلاعان بولاتىنبىز. تەكسەرۋ قورىتىندىسى ازىرگە قۇپيا جانە قىلمىستىق ءىس اياسىندا ماتەريالدار تاركىلەندى.
شىلدە ايىندا انتيكور مارات بەكەتايەۆقا قاتىستى تەرگەۋ اياقتالعانىن حابارلادى. ول جەكە كومپانيانىڭ باسشىلىعىمەن بىرگە بيۋدجەت قاراجاتىن اسا ءىرى مولشەردە جىمقىرىپ، الاياقتىق جاسادى جانە كاسىپكەرلىك قىزمەتكە زاڭسىز قاتىستى دەگەن كۇدىككە ءىلىندى.
انتيكور بۇرىنعى ادىلەت ءمينيسترىن 2023 جىلدىڭ 21 قازانىندا ەلدەن قاشىپ كەتپەك بولعان كەزىندە ۇستاعان ەدى.
