Ádilet ministrligin basqarǵan Marat Beketaev 9 jylǵa sottaldy, dep habarlaidy Dalanews.kz.
Bul týraly Antikordyń resmi ókili Daniiar Bekaidarov aitty.
"Marat Beketaev múlki tárkilenip, 9 jylǵa bas bostandyǵynan aiyryldy. Beketaevqa qatysty qylmystyq is asa iri mólsherde alaiaqtyq jasaý jáne kásipkerlik qyzmetke zańsyz qatysý deregi boiynsha tirkeldi. Tergeý “qupiia” belgisimen júrgendikten barlyq is materialdary jariia etýge jatpaidy", - deidi Daniiar Bekaidarov.
Eske salaiyq, antikor eks-ministr Marat Beketaevtyń isi 3 naýryzda sotqa jiberilgenin habarlaǵan edi.
"Agenttik burynǵy ádilet ministri Beketaevqa jáne basqa da tulǵalarǵa qatysty alaiaqtyq, asa iri kólemde qarjy jymqyrý jáne kásipkerlik qyzmetke zańsyz qatysý faktileri boiynsha sotqa deiingi tergeýdi aiaqtady. 3 naýryzda qylmystyq is sotqa jiberildi", dedi Antikor.
Eske salaiyq, buǵan deiin Joǵary aýditorlyq palatasanyń tóraǵasy Álihan Smaiylov burynǵy ádilet ministri Marat Beketaevtyń isine qatysty málimdeme jasaǵan edi.
Onyń sózinshe, Joǵary aýditorlyq palatasy 2023 jyly Ádilet ministrliginde tekseris júrgizgen.
"2023 jylǵy memlekettik aýdit obektileriniń tizbesine sáikes, Joǵary aýditorlyq palatasy Ádilet ministrligi men onyń quramyndaǵy uiymdardyń respýblikalyq qarjyny keibir biýdjettik baǵdarlamalar boiynsha qalai qoldanǵanyn tekserý úshin aýditorlyq sharalar ótkizildi. Biz shyǵarǵan sheshim Antikorǵa berilip, osy iske qatysty keibir tulǵalar ustaldy. Ázirge basqa nárse aita almaimyn, sebebi qazirgi tańda is Antikordyń baqylaýynda", - deidi Álihan Smaiylov.
Palata tóraǵasy Beketaevtyń naqty ne úshin ustalǵanynan beihabar ekenin, biraq Joǵary aýditorlyq palatasy tekseris júrgizip, qorytyndysy Antikorǵa berilgeni fakt ekenin atap ótti.
Buǵan deiin Joǵary aýditorlyq palatasy Ádilet ministrliginde jáne "Bolashaq" konsaltingtik kompaniiasyna qarsy tekserý júrgizgenin habarlaǵan bolatynbyz. Tekserý qorytyndysy ázirge qupiia jáne qylmystyq is aiasynda materialdar tárkilendi.
Shilde aiynda Antikor Marat Beketaevqa qatysty tergeý aiaqtalǵanyn habarlady. Ol jeke kompaniianyń basshylyǵymen birge biýdjet qarajatyn asa iri mólsherde jymqyryp, alaiaqtyq jasady jáne kásipkerlik qyzmetke zańsyz qatysty degen kúdikke ilindi.
Antikor burynǵy ádilet ministrin 2023 jyldyń 21 qazanynda elden qashyp ketpek bolǵan kezinde ustaǵan edi.
