قازاقستاندا مۇعالٸمدەردٸ مٸندەتٸنە جاتپايتىن جۇمىسقا جەگۋ ەلٸ تىيىلماي تۇر. تامىز ايىندا وقۋ-اعارتۋ مينيسترٸ عاني بەيسەمباەۆ وبلىس جەنە قالا ەكٸمدەرٸن جيناپ, پەداگوگتاردى قوسىمشا جۇمىسقا تارتۋدىڭ زاڭسىز ەكەنٸن تٸكەلەي تٷسٸندٸرمەك, دەپ حابارلايدى Dalanews.kz.
مينيستردٸڭ ايتۋىنشا, مۇعالٸمدەردٸ جاعاجاي كٷزەتۋگە شىعارىپ, كٶشەدە كەزەكشٸلٸككە قويۋ – اشىق زاڭ بۇزۋشىلىق. وسىعان بايلانىستى مينيسترلٸك شەنەۋنٸكتەردٸ جەكە-جەكە جيناپ, ارنايى تٷسٸندٸرۋ جۇمىسىن جٷرگٸزۋگە مەجبٷر بولىپ وتىر.
«زاڭ بويىنشا مۇعالٸمدەرگە مٸندەتٸنە جاتپايتىن شارۋالاردى ارتۋعا قاتاڭ تىيىم سالىنعان. بٸز وسى مەسەلەنٸ بٸرنەشە مەرتە ايتىپ تا, ەسكەرتٸپ تە جٷرمٸز. بٸراق, ٶكٸنٸشكە قاراي, كەيبٸر قالا مەن اۋدان ەكٸمدەرٸ بۇل تالاپتى ەلەمەيدٸ. جٷيەلٸ تٷردە بولماسا دا, مۇنداي جايتتار جيٸ قايتالانۋدا. سوندىقتان تامىز ايىندا بارلىق دەڭگەيدەگٸ ەكٸمدەردٸ جيناپ, ارنايى جيىن ٶتكٸزەمٸز. ولارعا تٸكەلەي زاڭ نورمالارىن تٷسٸندٸرٸپ, قاجەت بولسا زاڭنىڭ كٶشٸرمەسٸن قولدارىنا ۇستاتامىز. بەلكٸم, سوندا تٷسٸنٸكتٸ بولار», – دەدٸ مينيستر بەيسەمباەۆ.
مينيستردٸڭ بۇلاي اشىنۋى تەگٸن ەمەس. جاقىندا عانا قوستاناي قالاسىنىڭ ەكٸمٸ مارات جٷندٸباەۆ مۇعالٸمدەردٸ ٶزەن-كٶلدٸڭ جاعالاۋىنا كەزەكشٸلٸككە قويعان ەدٸ. مينيسترلٸكتٸڭ دەر كەزٸندە ارالاسۋى ارقاسىندا مۇعالٸمدەر بۇل جۇمىستان بوساتىلعان.
«مەن قوستاناي ەكٸمٸمەن تٸكەلەي سٶيلەسكەن جوقپىن, بٸراق ورىنباسارىم بٸردەن حابارلاسىپ, جاعدايدى تٷسٸندٸردٸ. بۇل مەسەلەگە ەڭبەك مينيسترلٸگٸ مەن تٶتەنشە جاعدايلار مينيسترلٸگٸ دە ارالاسۋعا مەجبٷر بولدى. وسىدان كەيٸن ەكٸم قاجەتتٸ قورىتىندى شىعارار دەگەن ٷمٸتتەمٸن», – دەيدٸ مينيستر.
مينيسترلٸك پەداگوگتاردىڭ قۇقىعىن قورعاۋعا الداعى ۋاقىتتا دا قاتاڭ قارايتىنىن ەسكەرتتٸ.
