شىمكەنت قالاسىندا ەڭبەكشى اۋداندىق جەرگىلىكتى پوليسيا قىزمەتى باستىعىنىڭ ورىنباسارى زورلاۋ ءىسى بويىنشا كۇدىككە ءىلىندى،- دەپ حابارلايدى Dalanews.kz
وقيعاعا قاتىستى شىمكەنت قالالىق پوليسيا دەپارتامەنتىنىڭ باسپا ءسوز قىزمەتى تۇسىنىكتەمە بەردى. ۆەدومستۆو ايەلدىڭ ارىزى بويىنشا قىلمىستىق ءىس قوزعالعانىن راستادى.
ءقازىر ءىستى تۇركىستان اۋداندىق پوليسيا باسقارماسى تەرگەپ جاتىر. تەرگەۋ اياسىندا ءبىرقاتار ساراپتاما تاعايىندالىپ، تەرگەۋ ارەكەتتەرى جۇرگىزىلۋدە.
پوليسيا دەپارتامەنتى الدىن الا مالىمەتكە سۇيەنە وتىرىپ، ارىزدانۋشى مەن كۇدىكتىنىڭ اراسىندا بۇرىن جاقىن قارىم-قاتىناس بولعانىن اتاپ ءوتتى.
«قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ شارالارى جۇرگىزىلىپ جاتىر. تەرگەۋ ناتيجەلەرى بويىنشا زاڭعا سايكەس شەشىم قابىلدانادى»، – دەلىنگەن پوليسيا مالىمدەمەسىندە.
الەۋمەتتىك جەلىلەردە تاراعان اقپاراتتا كۇدىكتىنىڭ – ەڭبەكشى اۋداندىق جەرگىلىكتى پوليسيا قىزمەتى باستىعىنىڭ ورىنباسارى ەرلان جۇمانوۆ ەكەنى ايتىلىپ جاتىر. سونداي-اق زورلاندى دەپ ارىز جازعان ايەلدىڭ — قۇقىق قورعاۋ ورگاندارىنىڭ قىزمەتكەرى ەكەنى جانە ءقازىر جۇكتىلىك كەزەڭىندە ەكەنى دە جاريالانعان.
پوليسيا قىلمىستىق-پروسەستىك كودەكستىڭ 201-بابىنا سايكەس، تەرگەۋ دەرەكتەرى جاريالاۋعا جاتپايتىنىن ەسكە سالدى.
