قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ بۇرىنعى سۋدياسى قارلىعاش تاتكەيەۆا اسا ءىرى كولەمدە الاياقتىق جاسادى دەگەن كۇدىكپەن ىزدەۋگە جاريالاندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيعايداروۆ مالىمدەدى،- دەپ حابارلايدى Dalanews.kz
ۆەدومستۆونىڭ مالىمەتىنشە، ەكس-سۋدياعا قاتىستى قىلمىستىق كودەكستىڭ 190-بابى 4-بولىگى ("الاياقتىق") بويىنشا ءىس قوزعالعان. قارلىعاش تاتكەيەۆا بىرنەشە ادامنىڭ سەنىمىنە كىرىپ، ءىرى كولەمدە قارجى يەمدەنگەن بولۋى مۇمكىن دەگەن بولجام بار.
سىبايلاس جەمقورلىققا قارسى قىزمەت تاتكەيەۆانىڭ ناقتى قايدا ەكەنىن بىلەتىن ازاماتتارعا ۇندەۋ جاساپ، كەز كەلگەن اقپارات ءۇشىن انونيمدىككە جانە سىياقى تولەۋگە كەپىل بەرىپ وتىر.
ايتا كەتەيىك، قارلىعاش تاتكەيەۆا جوعارعى سوتتى قازىرگى سەناتور جاقىپ اسانوۆ باسقارعان كەزەڭدە جوعارعى سوت ءتوراعاسىنىڭ ازاماتتىق ىستەر جونىندەگى كەڭەسشىسى بولعان. تاتكەيەۆا ءوزىنىڭ سوت ورگاندارىنداعى جىلدارىندا قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى، سونداي-اق استانا سوتىنىڭ سۋدياسى بولىپ قىزمەت اتقارعان.
قازىرگى تاڭدا قۇقىق قورعاۋ ورگاندارى كۇدىكتىنىڭ جۇرگەن جەرىن انىقتاۋ جانە ونى جاۋاپكەرشىلىككە تارتۋ باعىتىندا جەدەل ىزدەستىرۋ شارالارىن جۇرگىزىپ جاتىر.
