ۇلىتاۋ وبلىسىنىڭ اكىمدىگى مەن «قازاقمىس كورپوراسياسى» ج ش س ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويدى. بەكىتىلگەن جوبالار اياسىندا 20 ملرد تەڭگەدەن استام سومانىڭ باستاماسىن جۇزەگە اسىرۋ جوسپارلاندى، دەپ حابارلايدى Dalanews.kz.

قۇجاتقا ۇلىتاۋ وبلىسىنىڭ اكىمى داستان رىسپەكوۆ پەن «قازاقمىس كورپوراسياسى» ج ش س باسقارما ءتوراعاسى رۋسلان وسكەنالى قول قويدى. سەرىكتەستىكتىڭ جاڭا كەزەڭى دەنساۋلىق ساقتاۋ، ءبىلىم بەرۋ، مادەنيەت، سپورت سالالارىن، ءوڭىردىڭ ينفراقۇرىلىمىن جاڭعىرتۋدى جانە ءوڭىر تۇرعىندارىنىڭ ءومىر ءسۇرۋ ساپاسىن جاقسارتۋعا جايلى جاعداي جاساۋدى قامتيدى.

ادام كاپيتالىن دامىتۋ ستراتەگيالىق باعىتتىڭ بىرىنە اينالادى. مەموراندۋم اياسىندا ۇلىتاۋ ۋنيۆەرسيتەتى اشىلادى. اتالعان جوبا سۇرانىسقا يە مامانداردى دايارلاۋ مەن وبلىستىڭ جاڭا زياتكەرلىك ورتالىعىن قالىپتاستىرۋدىڭ ىرگەتاسى بولادى.

بيىل جەزقازعان قالاسىندا وڭىردەگى ەڭ ۇلكەن ورتالىق مەشىتتىڭ قۇرىلىسى اياقتالادى. ساتبايەۆ قالاسىندا جاڭا تراۆماتولوگيالىق پۋنكت اشىلىپ، وڭىردە بالاماسى جوق «نامىس» بالالار مەن جاسوسپىرىمدەر سپورت اكادەمياسى ىسكە قوسىلادى. 150 ورىندىق ينتەرناتى بار سپورت كەشەنىندە وبلىستىڭ تۇكپىر-تۇكپىرىنەن كەلگەن دارىندى جاس سپورتشىلار جاتتىعادى.

مەموراندۋم قالالىق ورتانى دامىتۋعا باعىتتالعان جاڭا جوبالاردى ىسكە قوسۋدى قامتيدى. جەزقازعاندا «جاستار» ساياباعى مەن «عارىشكەرلەر» باقجولى جانە كەڭگىر سۋ قويماسىنىڭ جاعالاۋى اباتتاندىرىلىپ، س. قوجامقۇلوۆ اتىنداعى تەاتر كۇردەلى جوندەۋدەن وتەدى. ناتيجەسىندە زاماناۋي قوعامدىق كەڭىستىك قالىپتاسىپ، قالا تۇرعىندارى مەن قوناقتارى ءۇشىن جاڭا ءارى جايلى دەمالىس ورنى پايدا بولادى.

«Ulytau» فۋتبول كلۋبىن قارجىلاندىرۋ جالعاسا بەرەدى. بۇل باستاما ءوڭىردىڭ كاسىبي سپورتتاعى ورنىن نىعايتىپ، جاستارعا مۇمكىندىك بەرەدى.

سونىمەن قاتار جەرگىلىكتى اتقارۋشى ورگاندارعا ينفراقۇرىلىمدىق جوبالاردى جۇزەگە اسىرۋعا كومەكتەسۋ ءۇشىن سۋ تارتۋ، سۋمەن جانە ەنەرگيامەن جابدىقتاۋ جۇيەلەرىن جاڭعىرتۋ بويىنشا ءبىرقاتار جوبالىق-سمەتالىق قۇجاتتاما ازىرلەنەدى.

قازاقمىس كورپوراسياسى ءۇشىن ۇلىتاۋ وبلىسى ستراتەگيالىق ماڭىزى بار ءوڭىر بولىپ قالا بەرەدى. الەۋمەتتىك باستامالاردى جۇزەگە اسىرۋ وبلىستىڭ تۇراقتى دامۋىنا تىڭ سەرپىن بەرىپ، ينفراقۇرىلىمدى نىعايتۋعا جانە حالىقتىڭ ءومىر ءسۇرۋ ساپاسى مەن جاستاردىڭ الەۋەتىن ارتتىرۋعا ىقپال ەتەدى.