مەجٸلٸس دەپۋتاتى ەرلان سايروۆ باس پروكۋراتۋراعا قازاقستاندىقتاردىڭ دۋبايداعى جىلجىمايتىن مٷلكٸن تەكسەرۋ تۋرالى دەپۋتاتتىق ساۋال جولداۋدى جوسپارلاپ وتىر, دەپ حابارلايدى Dalanews.kz.
جۋىردا دۋبايداعى Fairmont The Palm تۇرعىن ٷي كەشەنٸ ماڭىنا زىمىران قۇلاپ, كەيٸن ٶرت شىققان. تاياۋ شىعىستاعى قاقتىعىستىڭ جاڭا كەزەڭٸ كەزٸندە بٸرٸككەن اراب ەمٸرلٸكتەرٸندەگٸ كەيبٸر نىساندار دا سوققىعا ۇشىراعانى ايتىلدى.
وسىدان كەيٸن ەلەۋمەتتٸك جەلٸلەردە وسى كەشەندە پەتەرٸ بار قازاقستاندىقتاردىڭ, سونىڭ ٸشٸندە بۇرىنعى شەنەۋنٸكتەردٸڭ مٷلكٸ زارداپ شەكتٸ مە دەگەن مەسەلە قىزۋ تالقىلانا باستادى.
جۋرناليستٸك زەرتتەۋلەرگە سٷيەنسەك, اتالعان تۇرعىن ٷي كەشەنٸندەگٸ 97 پەتەر قازاقستاندىقتارعا تيەسٸلٸ.
پەتەر يەلەرٸنٸڭ اراسىندا كٶبٸنە «ەسكٸ قازاقستان» كەزەڭٸمەن بايلانىستى تۇلعالاردىڭ جاقىندارى اتالادى. تٸزٸمدە, مىسالى, بۇرىنعى سەنات تٶراعاسى قايرات مەميدٸڭ ۇلى, سونداي-اق الماتى وبلىسىنىڭ بۇرىنعى ەكٸمٸ اماندىق باتالوۆتىڭ جۇبايى باعدات باتالوۆا جەنە باسقا دا ادامدار بار ەكەنٸ ايتىلادى.
ەرلان سايروۆ بۇل جاعدايعا قۇقىقتىق باعا بەرۋ قاجەت دەپ ەسەپتەيدٸ.
«مەن باس پروكۋراتۋرانىڭ اتىنا حات جولدايمىن دەپ ويلايمىن, ولار بۇل مەسەلەگە قۇقىقتىق تۇرعىدان باعا بەرسٸن. ال مورالدىق تۇرعىدان العاندا, مەنٸڭشە, بۇل دۇرىس ەمەس. بۇل بٸزدٸڭ ەلدٸڭ حالقىنا قاتىستى تٸپتٸ ادامگەرشٸلٸككە جات نەرسە», - دەدٸ سايروۆ مەجٸلٸس كۋلۋارىندا.
دەپۋتاتتىڭ ايتۋىنشا, ەگەر بۇرىنعى قازاقستاندىق شەنەۋنٸكتەر شەتەلدە قىمبات جىلجىمايتىن مٷلٸككە يە بولسا, وندا بۇل فاكتٸگە قاداعالاۋ ورگانى قۇقىقتىق تۇرعىدان باعا بەرۋٸ تيٸس.
قازاقستاندىقتاردىڭ دۋبايداعى جىلجىمايتىن مٷلكٸ تۋرالى مەسەلە بۇرىن دا كٶتەرٸلگەن. بۇل تاقىرىپ «ازاتتىق راديوسىنىڭ» ٸرٸ جۋرناليستٸك زەرتتەۋٸنەن كەيٸن بٸرنەشە رەت تالقىلانعان.
2025 جىلدىڭ جەلتوقسانىندا دۋبايداعى قازاقستاندىقتارعا تيەسٸلٸ ۆيللالار اۋكتسيون ارقىلى ساتىلىپ, ولاردىڭ جالپى قۇنى شامامەن 20 ملرد تەڭگەنٸ قۇراعان.
