قازاق تٸلٸن تەك مەڭگەرٸپ قانا قويماي, ونى ناسيحاتتاپ, ٶزگە ەتنوس ٶكٸلدەرٸنە ٷلگٸ بولىپ جٷرگەن ازاماتتار – ەل رۋحانيياتىنىڭ تٸرەگٸ. سولاردىڭ الدىڭعى قاتارىندا جٷرگەندەردٸڭ بٸرٸ – قازاق تٸلٸنٸڭ جاناشىرى, ەزٸربايجان قىزى بريلليانت حالىكوۆنا اليەۆا.
تٸلٸنە قاراپ جٷرەگٸن تانيمىز
2004 جىلى قاراعاندى قالاسىندا ەزٸربايجان وتباسىندا دٷنيەگە كەلگەن بريلليانتتىڭ بالالىق شاعى قازاقى ورتادا ٶتتٸ. قازاق تٸلٸنٸڭ ەۋەزدٸلٸگٸ مەن مەندٸلٸگٸ ونى ەرتە جاسىنان باۋراپ الدى. مەكتەپ قابىرعاسىندا جٷرگەندە-اق ول تٸل بايقاۋلارى مەن مەنەرلەپ وقۋ جارىستارىندا توپ جارىپ, قازاقشا ەركٸن ويلاي الاتىن قابٸلەتٸن تانىتتى.
«قازاق تٸلٸ مەن ٷشٸن جات تٸل بولعان جوق. ول مەنٸ مەكتەپتەگٸ العاشقى كٷننەن-اق باۋراپ الدى. مەن ونى مٸندەت ەمەس, جٷرەك قالاۋى رەتٸندە ٷيرەندٸم», – دەيدٸ بريلليانت.
تٸل – تاڭداۋدىڭ ەمەس, تاعدىردىڭ سىيى
بٸلٸمگە دەگەن قۇشتارلىعى مەن قازاق تٸلٸنە سٷيٸسپەنشٸلٸگٸ ونى جۋرناليستيكا جولىنا جەتەلەدٸ. 2022 جىلى ە.ا. بٶكەتوۆ اتىنداعى قاراعاندى ۋنيۆەرسيتەتٸنە وقۋعا تٷسٸپ, بٷگٸندە ٷشٸنشٸ كۋرستى سەتتٸ اياقتاپ وتىر. ۋنيۆەرسيتەت قابىرعاسىندا ول تەك تەورييامەن شەكتەلٸپ قالماي, جەرگٸلٸكتٸ تەلەارنادا تەجٸريبەدەن ٶتٸپ, قازاق تٸلٸندە كەسٸبي تۇرعىدا ەركٸن سٶيلەيتٸن بولاشاق جۋرناليست رەتٸندە تانىلا باستادى.
جاس بولا تۇرا, بريلليانت – اقپارات كەڭٸستٸگٸندە مەملەكەتتٸك تٸلدٸڭ ابىرويىن كٶتەرٸپ جٷرگەن ساناۋلى ٶزگە ەتنوس جاستارىنىڭ بٸرٸ.
«مەملەكەتتٸك تٸل – مەنٸڭ تٸلٸم» دەگەن جٷرەكتەن شىققان سٶز
بريلليانت – قازاقستان حالقى اسسامبلەياسى جٷزەگە اسىرىپ جاتقان «مەملەكەتتٸك تٸل – مەنٸڭ تٸلٸم» جوباسىنىڭ باستى كەيٸپكەرلەرٸنٸڭ بٸرٸ. بۇل جوبا قازاق تٸلٸن شىنايى قابىلداپ, ٶمٸرٸنٸڭ بٶلشەگٸنە اينالدىرعان ٶزگە ەتنوس ٶكٸلدەرٸن ناسيحاتتاۋعا باعىتتالعان.
«قازاق تٸلٸ – مەن ٷشٸن تەك مەملەكەتتٸك تٸل ەمەس, بۇل – ٶزٸمدٸ وسى ەلدٸڭ بٸر بٶلشەگٸ رەتٸندە سەزٸندٸرەتٸن رۋحاني قۇرال. «مەملەكەتتٸك تٸل – مەنٸڭ تٸلٸم” دەگەن ۇستانىم مەنٸڭ جٷرەگٸممەن ٷندەس», – دەيدٸ بريلليانت بەينەجازبالارىنىڭ بٸرٸندە.
ونىڭ جوبا اياسىنداعى سۇحباتتارى مەن بەينەجازبالارى – قازاق تٸلٸنە دەگەن ىقىلاستىڭ جاساندىلىقسىز, شىنايى كٶرٸنٸسٸ. ونىڭ ەر سٶزٸ – تەك جاتتالعان مەتٸن ەمەس, جٷرەكتەن شىققان شىنايى سەزٸم.
جاستار كٶشباسشىسى - تٸل جاناشىرى
بٷگٸندە بريلليانت – قحا جانىنداعى جۋرناليستەر كلۋبىنىڭ مٷشەسٸ, اسسامبلەيا جاستارى قوزعالىسىنىڭ بەلسەندٸ قاتىسۋشىسى. ول ٶڭٸرلٸك جەنە رەسپۋبليكالىق دەڭگەيدەگٸ تٷرلٸ مەدەني, رۋحاني جەنە ەلەۋمەتتٸك شارالارعا بەلسەنە قاتىسىپ, مەملەكەتتٸك تٸل مەن ۇلتارالىق كەلٸسٸم تاقىرىپتارىندا سپيكەر رەتٸندە جيٸ شاقىرىلادى.
مەملەكەتتٸك تٸلدٸڭ مەرتەبەسٸن كٶتەرۋگە قوسقان ٷلەسٸ ٷشٸن قاراعاندى وبلىسى ەكٸمٸنٸڭ العىس حاتىمەن ماراپاتتالۋى – ونىڭ ەڭبەگٸنٸڭ ايقىن باعاسى.
بولاشاق – رۋحاني بەرٸك جاستاردىڭ قولىندا
بٷگٸنگٸ تاڭدا بريلليانت اليەۆا – تەك ٶزٸنٸڭ بولاشاعىن عانا ەمەس, مەملەكەتتٸك تٸلدٸڭ دە بولاشاعىن ويلايتىن, ونىڭ ٶركەندەۋٸنە ٷلەس قوسۋدى ازاماتتىق پارىزى سانايتىن جاس بۋىننىڭ ٶكٸلٸ. تٸلگە ادالدىعى, قوعامدىق بەلسەندٸلٸگٸ – ونىڭ دارا بولمىسىن تانىتادى.
ول – تٸلدٸ جاتسىنباي, جٷرەكپەن قابىلداعان ۇرپاقتىڭ ٶكٸلٸ. ول – «قازاق تٸلٸن ٷيرەنۋ – مەن ٷشٸن مٸندەت ەمەس, مەرتەبە» دەيتٸن سانا يەسٸ. جەنە ول – كٶپەتنوستى قازاقستاننىڭ بولاشاعى بٸرتۇتاس, تٸلٸ مەن مەدەنيەتٸ ورتاق بولاتىن جارقىن كەلەشەككە سەنەتٸن, سوعان بار كٷشٸمەن ٷلەس قوسىپ جٷرگەن جاستاردىڭ سيمۆولى.
P.S. بريلليانت اليەۆانىڭ ٶمٸرٸ – «تٸل – ۇلتقا قاراپ تاڭدالمايدى, جٷرەكپەن سٷيۋ ارقىلى عانا ٷيرەنٸلەدٸ» دەگەن سٶزدٸڭ دەلەلٸ. ونىڭ مەملەكەتتٸك تٸلگە دەگەن سٷيٸسپەنشٸلٸگٸ – ەربٸر قازاقستاندىققا وي سالاتىن, ٷلگٸ بولاتىن تاعىلىم. قازاق تٸلٸنٸڭ تۇعىرى بيٸك بولۋى – دەل وسىنداي جاستاردىڭ جٷرەك تٷكپٸرٸندە جانعان شىنايى سەزٸممەن عانا جٷزەگە اسپاق.
ايدانا ۋميرباەۆا, قاراعاندى وبلىسى قحا باسپاسٶز بٶلٸمٸنٸڭ مامانى
