ءال-فارابي اتىنداعى قازاق ۇلتتىق ۋنيۆەرسيتەتىندە EcoFarabi AI اتتى ۆيرتۋالدى ەكو-كەڭەسشى ىسكە قوسىلدى، دەپ حابارلايدى Dala News.

ۋنيۆەرسيتەت مالىمەتىنشە، سيفرلىق پلاتفورما قوعامنىڭ ەكولوگيالىق ساۋاتتىلىعىن ارتتىرۋعا، تۇراقتى دامۋ قاعيدالارىن ناسيحاتتاۋعا جانە قورشاعان ورتانى قورعاۋ باستامالارىن قولداۋعا باعىتتالعان.

جوبا پايدالانۋشىلارعا كۇندەلىكتى ومىردە ەكولوگيالىق جاۋاپكەرشىلىكتى ارتتىرۋعا كومەكتەسەدى. ۆيرتۋالدى كومەكشى قالدىقتاردى دۇرىس سۇرىپتاۋ، ەنەرگيا مەن سۋدى ۇنەمدەۋ، «جاسىل» تەحنولوگيالاردى قولدانۋ تۋرالى كەڭەستەر بەرەدى. سونىمەن قاتار كامپۋستا وتەتىن ەكولوگيالىق شارالار جونىندە اقپارات ۇسىنادى.

EcoFarabi AI جوباسىن ءقازۇۋ-دىڭ جوعارى ەكونوميكا جانە بيزنەس مەكتەبىنىڭ وقىتۋشىلارى اسەل بورانباي مەن ءىلياس كۋلييەۆ ازىرلەگەن. باعدارلاما «تازا قازاقستان» ۇلتتىق باستاماسىن قولداۋعا باعىتتالعان.

ازىرلەۋشىلەردىڭ ايتۋىنشا، بولاشاقتا پلاتفورمانى باسقا ۋنيۆەرسيتەتتەرگە، مەكتەپتەرگە جانە قوعامدىق كەڭىستىكتەرگە ەنگىزۋ جوسپارلانىپ وتىر. سونداي-اق ءموبيلدى قوسىمشا، داۋىس ارقىلى باسقارۋ، تۇسىندىرەتىن بەينە-كەيىپكەر، ەكولوگيا بويىنشا ونلاين-ساباقتار مەن ينتەراكتيۆتى تەستتەر قوسۋ كوزدەلگەن.

قازىرگى ۋاقىتتا EcoFarabi AI Telegram چات-بوتى فورماتىندا جۇمىس ىستەيدى. پلاتفورما ارقىلى پايدالانۋشىلار سەنبىلىكتەرگە، اعاش وتىرعىزۋ اكسيالارىنا جانە جاسىل ايماقتاردى دامىتۋعا باعىتتالعان ەكولوگيالىق شارالارعا قاتىسۋعا شاقىرىلادى.