Ál-Farabi atyndaǵy Qazaq ulttyq ýniversitetinde EcoFarabi AI atty virtýaldy eko-keńesshi iske qosyldy, dep habarlaidy Dala News.
Ýniversitet málimetinshe, tsifrlyq platforma qoǵamnyń ekologiialyq saýattylyǵyn arttyrýǵa, turaqty damý qaǵidalaryn nasihattaýǵa jáne qorshaǵan ortany qorǵaý bastamalaryn qoldaýǵa baǵyttalǵan.
Joba paidalanýshylarǵa kúndelikti ómirde ekologiialyq jaýapkershilikti arttyrýǵa kómektesedi. Virtýaldy kómekshi qaldyqtardy durys suryptaý, energiia men sýdy únemdeý, «jasyl» tehnologiialardy qoldaný týraly keńester beredi. Sonymen qatar kampýsta ótetin ekologiialyq sharalar jóninde aqparat usynady.
EcoFarabi AI jobasyn QazUÝ-diń Joǵary ekonomika jáne biznes mektebiniń oqytýshylary Ásel Boranbai men Iliias Kýliev ázirlegen. Baǵdarlama «Taza Qazaqstan» ulttyq bastamasyn qoldaýǵa baǵyttalǵan.
Ázirleýshilerdiń aitýynsha, bolashaqta platformany basqa ýniversitetterge, mektepterge jáne qoǵamdyq keńistikterge engizý josparlanyp otyr. Sondai-aq mobildi qosymsha, daýys arqyly basqarý, túsindiretin beine-keiipker, ekologiia boiynsha onlain-sabaqtar men interaktivti testter qosý kózdelgen.
Qazirgi ýaqytta EcoFarabi AI Telegram chat-boty formatynda jumys isteidi. Platforma arqyly paidalanýshylar senbilikterge, aǵash otyrǵyzý aktsiialaryna jáne jasyl aimaqtardy damytýǵa baǵyttalǵan ekologiialyq sharalarǵa qatysýǵa shaqyrylady.
