بٷگٸن قىزىلوردا قالاسىنداعى «ٶنەر ورتالىعىندا» قازاقستاننىڭ ەڭبەك سٸڭٸرگەن قايراتكەرٸ, قازاق ۇلتتىق كونسەرۆاتوريياسىنىڭ قۇرمەتتٸ پروفەسسورى, جىراۋ الماسبەك الماتوۆتىڭ 70 جاس مەرەيتويىنا ارنالعان «جىر كەرۋەن» اتتى شىعارماشىلىق كەش ٶتتٸ, دەپ حابارلايدى Dala News.
وعان وبلىس ەكٸمٸ نۇرلىبەك نەلٸباەۆ, جازۋشى, تاريحشى-ەتنوگراف, قازاقستاننىڭ ەڭبەك سٸڭٸرگەن قايراتكەرٸ قويشىعارا سالعاراۇلى, حالىق جازۋشىسى, قازاقستاننىڭ ەڭبەك سٸڭٸرگەن قايراتكەرٸ, ايتىس اقىندارى مەن جىرشى-تەرمەشٸلەردٸڭ حالىقارالىق وداعىنىڭ تٶراعاسى جٷرسٸن ەرمان, اقىن, پارلامەنت مەجٸلٸسٸنٸڭ دەپۋتاتى جاناربەك ەشٸمجان, الماسبەك نۇرماحانۇلىنىڭ ٷزەڭگٸلەس ەرٸپتەستەرٸ مەن ەلٸمٸزگە بەلگٸلٸ شەكٸرتتەرٸ, جاۋاپتى سالا باسشىلارى, زييالى قاۋىم ٶكٸلدەرٸ قاتىستى.
ايماق باسشىسى مەرەيتوي يەسٸنٸڭ تٶل ٶنەردٸ ٶركەندەتۋگە قوسقان ٷلەسٸن اتاپ ٶتٸپ, بارشا سىر جۇرتشىلىعىنىڭ اتىنان سىي-قۇرمەت كٶرسەتٸپ, اۆتوكٶلٸك كٸلتٸن تارتۋ ەتتٸ.
سونداي-اق كەشتە جاناربەك ەشٸمجان ٶنەر قايراتكەرٸنە مەجٸلٸس تٶراعاسى ەرلان قوشانوۆتىڭ قۇتتىقتاۋىن تابىستادى.
«سىر ٶڭٸرٸ – تالاي مارعاسقا جىراۋلار مەن تۋما تالانتتاردى ٶمٸرگە ەكەلگەن, جىراۋلىق ٶنەردٸڭ تٷپ قازىعى, التىن كٶمبەسٸ, الىپ تايقازانى سانالاتىن قۇتتى مەكەن. مەملەكەت باسشىمىز قاسىم-جومارت كەمەلۇلى قىزىلوردادا ٶتكەن ۇلتتىق قۇرىلتايدىڭ بەسٸنشٸ قورىتىندى وتىرىسىندا «جالپى, «سىر ەلٸ – جىر ەلٸ» دەپ بەكەر ايتىلمايدى. قورقىت اتا زامانىنان جالعاسىپ كەلە جاتقان جىراۋلىق-جىرشىلىق جەنە كٷيشٸلٸك ٶنەر بۇل ايماقتا كەڭ قانات جايعان. جيەنباي, نۇرتۋعان, نارتاي سىندى ساڭلاقتار نەگٸزٸن قالاعان جىرشىلىق مەكتەپتەردٸ بٷكٸل ەلٸمٸز بٸلەدٸ», – دەپ ەرەكشە اتاپ ٶتكەن بولاتىن.
سىر بويىنداعى جىراۋلىق ٶنەردٸڭ كٶرنەكتٸ ٶكٸلٸ, سىر سٷلەيلەرٸنٸڭ ٸزٸن جالعاۋشى, قازاقستاننىڭ ەڭبەك سٸڭٸرگەن قايراتكەرٸ, زەرتتەۋشٸ-عالىم, «پاراسات», ٷشٸنشٸ دەرەجەلٸ «بارىس» وردەندەرٸنٸڭ يەگەرٸ, قىزىلوردا وبلىسىنىڭ قۇرمەتتٸ ازاماتى الماسبەك نۇرماحانۇلى الماتوۆ مەرەيلٸ 70 جاسقا تولدى.
الماسبەك نۇرماحانۇلى – دەۋٸر كٶشٸندە دارا ٸز قالدىرعان جىر الىپتارىنىڭ مۇراگەرٸ, سىر ٶڭٸرٸنە عانا تەن جىراۋلىق دەستٷردٸڭ ساباقتاستىعىنا ايرىقشا ەڭبەك سٸڭٸرگەن ٶنەر قايراتكەرٸ. اعامىز جاستايىنان قولىنا دومبىرا الىپ «الپامىس باتىر», «قوبىلاندى باتىر», «قىز جٸبەك» سيياقتى ەلگە كەڭ تاراعان داستانداردى جىرلاپ, «جاس جىرشى» اتاندى.
«سىر سۇلۋى» انسامبلٸ قۇرامىنان باستالعان شىعارماشىلىق جولى بەلگٸلٸ جىراۋ, ۇلاعاتتى ۇستاز, ٶنەر زەرتتەۋشٸسٸ, عالىم, قوعام قايراتكەرٸ رەتٸندە بيٸك بەلەستەرگە شىعاردى.
ەگەمەندٸك العان جىلدار ٸشٸندە ۇلتتىق ٶنەردٸڭ بۇل تٷرٸنە ەرەكشە كٶزقاراس قالىپتاسىپ, اتا-بابالارىمىزدىڭ اسىل قازىناسى جارقىراي تٷستٸ. الداعى ۋاقىتتا دا ۇلتتىق ٶنەرٸمٸزدٸڭ شامشىراعى بولىپ, كەلەر ۇرپاققا رۋحاني مۇرا سىيلاي بەرٸڭٸز»,– دەدٸ ن.نەلٸباەۆ.
ٶنەر كەشٸندە ايتىسكەر اقىن مۇحتار نييازوۆ مەرەيتوي يەسٸنە ارناۋ ايتىپ, قازاقستاننىڭ ەڭبەك سٸڭٸرگەن قايراتكەرلەرٸ ەلمۇرا جاڭابەرگەنوۆا, ايگٷل ەلشٸباەۆا جەنە باسقا دا اقىن-جىرشىلار ٶنەر كٶرسەتتٸ. جىراۋدىڭ ٶزٸ «جىر باستاۋىن» ورىندادى.
الماسبەك الماتوۆ سىر بويىندا ماقام-ساز ەرەكشەلٸكتەرٸنە قاراي جىراۋلىق مەكتەپتەردٸڭ قالىپتاسۋىنا, اتادان بالاعا ميراس بولعان تٶل ٶنەرٸمٸزدٸ جاڭا دەۋٸرگە جەتكٸزۋگە ەرەن ەڭبەك سٸڭٸردٸ. جىراۋلىق ٶنەر اكادەمييالىق بٸلٸم بەرۋ جٷيەسٸنە ەنگٸزٸلٸپ, «دەستٷرلٸ ٶنەر – جىر» ماماندىعى اشىلدى. قۇرمانعازى اتىنداعى قازاق ۇلتتىق كونسەرۆاتوريياسىنداعى, قازاق ۇلتتىق ٶنەر ۋنيۆەرسيتەتٸندەگٸ, قورقىت اتا اتىنداعى قىزىلوردا ۋنيۆەرسيتەتٸندەگٸ كافەدرالاردا جىرشى-جىراۋلار كەسٸبي تۇرعىدا قالىپتاستى. دەستٷرلٸ جىر ورىنداۋشىلاردى مامان ەتٸپ دايارلاۋ ارقىلى ٶتكەننٸڭ ٶزەگٸن بٷگٸن مەن ەرتەڭگە جالعاپ, جٷزدەگەن شەكٸرت تەربيەلەپ, ٶنەر الامانىنا قوستى. اقش, فرانتسييا, يتالييا, شۆەيتسارييا, ۇلىبريتانييا, ەگيپەت, موڭعولييا جەنە باسقا دا شەت مەملەكەتتەردە ۇلتتىق مۇرامىزدى ۇلىقتاپ, ەل مەرەيٸن اسقاقتاتتى. بٷگٸندە مەرەيتوي يەسٸ تەربيەلەگەن شەكٸرتتەر حالىقارالىق, رەسپۋبليكالىق بايقاۋلاردىڭ جەڭٸمپازى اتانىپ, ەلٸمٸزدٸڭ ەر ٶڭٸرٸندە جىراۋلىق دەستٷردٸڭ التىن ارقاۋىن جالعاستىرىپ كەلەدٸ.
ايتا كەتۋ كەرەك, الماسبەك الماتوۆتىڭ 70 جاس مەرەيتويى اياسىندا قورقىت اتا اتىنداعى ۋنيۆەرسيتەتتٸڭ ستۋدەنتتەر سارايىندا V تومدىق تاڭدامالى شىعارمالارىنىڭ تۇساۋكەسەر رەسٸمٸ, قارماقشى اۋدانىندا «اسىل جىردىڭ الماسى» اتتى رەسپۋبليكالىق جىرشى-جىراۋلار فەستيۆالٸ ٶتۋدە.
