مەملەكەت باسشىسى قاسىم-جومارت توقاەۆ تٷركٸستان وبلىسىنىڭ ەكٸمٸ نۇرالحان كٶشەروۆتٸ قابىلداپ, ٶڭٸردٸڭ ەلەۋمەتتٸك-ەكونوميكالىق دامۋى مەن الداعى جوسپارلارى تۋرالى ەسەپ تىڭدادى, دەپ حابارلايدى Dala News.
ەكٸمنٸڭ ايتۋىنشا, وبلىستىڭ ەكونوميكالىق ٶسٸمٸ 113,9 پايىزدى قۇراعان. سونىمەن قاتار مەملەكەتتٸك بيۋدجەتكە تٷسەتٸن سالىق تٷسٸمدەرٸ 1 تريلليون تەڭگەگە ارتقان.
نۇرالحان كٶشەروۆ 2025 جىلى ٶڭٸرگە 1,7 تريلليون تەڭگە ينۆەستيتسييا تارتىلعانىن, ونىڭ ٸشٸندە 1,4 تريلليون تەڭگەسٸ جەكە ينۆەستيتسييا ەكەنٸن ايتتى. ال تٸكەلەي شەتەلدٸك ينۆەستيتسييا كٶلەمٸ 1,4 ميلليارد دوللارعا جەتكەن.
سونداي-اق ٶتكەن جىلى جالپى قۇنى 340 ميلليارد تەڭگەنٸ قۇرايتىن 58 ينۆەستيتسييالىق جوبا ٸسكە قوسىلىپ, نەتيجەسٸندە 8 مىڭنان استام جاڭا جۇمىس ورنى اشىلعان.
قازٸر وبلىستا 21 يندۋستريالدىق ايماق جۇمىس ٸستەيدٸ. ال «Turan» ارنايى ەكونوميكالىق ايماعىندا قۇنى 315 ميلليارد تەڭگەنٸ قۇرايتىن 26 جوبا جٷزەگە اسىرىلىپ جاتىر.
اۋىل شارۋاشىلىعى سالاسىندا ماقتا-توقىما, جٷگەرٸ جەنە ەت ٶندٸرٸسٸ كلاستەرلەرٸ دامىپ كەلەدٸ. جوبالار تولىق ٸسكە قوسىلعان جاعدايدا 2027 جىلعا قاراي اۋىل شارۋاشىلىعى ٶنٸمدەرٸنٸڭ كٶلەمٸ قوسىمشا 479,5 ميلليارد تەڭگەگە ارتادى دەپ جوسپارلانعان.
ەكٸمنٸڭ مەلٸمەتٸنشە, سوڭعى ٷش جىلدا اتاۋلى ەلەۋمەتتٸك كٶمەك الۋشىلار سانى ەكٸ ەسەگە ازايعان. ال 148 مىڭ ادام جۇمىسپەن قامتۋ شارالارىنا تارتىلىپ, ٶڭٸردەگٸ جۇمىسسىزدىق دەڭگەيٸ 4,6 پايىزدى قۇراعان.
سونىمەن قاتار بٸلٸم بەرۋ, دەنساۋلىق ساقتاۋ, مەدەنيەت نىساندارىن سالۋ, جول ينفراقۇرىلىمىن دامىتۋ, گازداندىرۋ جەنە ەلدٸ مەكەندەردٸ اۋىز سۋمەن قامتاماسىز ەتۋ باعىتىندا اتقارىلعان جۇمىستار تۋرالى باياندالدى.
كەزدەسۋ قورىتىندىسىندا پرەزيدەنت ينۆەستيتسييا تارتۋ, اۋىل شارۋاشىلىعى مەن ٶندٸرٸستٸ دامىتۋ جۇمىستارىن جالعاستىرۋدى تاپسىردى. سونداي-اق حالىقتىڭ تۇرمىس ساپاسىن ارتتىرۋ, جاڭا جۇمىس ورىندارىن اشۋ جەنە ينفراقۇرىلىمدى دامىتۋ مەسەلەلەرٸنە ەرەكشە نازار اۋدارۋ قاجەت ەكەنٸن اتاپ ٶتتٸ.
